Галатасарај, вчера ја обезбеди шампионската титула, 25. во клупската историја и си обезбеди место во Лигата на шампионите. Претходно 22 екипи обезбедија место во елитата за наредната сезона.

Остануваат многу малку празни места што треба да се пополнат преку националните шампионати. Останува да се види кој ќе ја освои Лига Европа, во среда во финалето ќе се сретнат Манчестер јунајтед и Тотенхем, кои три клуба од Англија ќе изборат пласман, се чека четвртиот претставник на Италија и еден клуб од Блегија.

Последните седум места ќе ги поплнат клубовите што ќе го поминат низ пеколот во квалификациите.

Клубовите што ќе играат во Лигата на шампионите следната есен се: Ливерпул, Арсенал (Англија), Наполи, Интер, Аталанта (Италија), Барселона, Реал Мадрид, Атлетико Мадрид, Атлетик Билбао, Виљареал (Шпанија), Баерн Минхен, Баер Леверкузен, Ајнтрахт, Борусија Дортмунд (Германија), ПСЖ, Олимпик Марсеј, Монако (Франција), ПСВ Ајндховен, Ајакс (Холандија), Спортинг Лисабон (Португалија), Галатасарај (Турција), Славија Прага (Чешка) и Олимпијакос (Грција).

За потсетување, руските клубови нема да можат да играат во меѓународните купови ниту следната сезона.

✅ 23/36 teams secured participation in UCL league stage (as of 18 May):

🏴󠁧󠁢󠁥󠁮󠁧󠁿 Liverpool
🏴󠁧󠁢󠁥󠁮󠁧󠁿 Arsenal 🆕💥
🇪🇸 Barcelona
🇪🇸 Real Madrid
🇪🇸 Atletico Madrid
🇪🇸 Athletic Club
🇪🇸 Villarreall 🆕💥
🇮🇹 Napoli
🇮🇹 Inter
🇮🇹 Atalanta
🇩🇪 Bayern
🇩🇪 B. Leverkusen
🇩🇪 Eintracht Frankfurt
🇩🇪 B.… pic.twitter.com/D2wgoEcW8Q

— Football Meets Data (@fmeetsdata) May 18, 2025

Трката за шампионската титула во Серија А кулминација ќе доживее во последното коло. По 37 рунди, Наполи има бод повеќе од бранителот на титулата Интер. Синоќа во драматични натпревари, Наполи одигра натпревар без голови во Парма, а Интер не успеа да го победи Лацио, натпреварот заврши 2:2.

Наполи во последното коло ќе го пречека Каљари, а Интер ќе гостува во Комо. Интересно двата тима немаа да имаат помош од своите тренери.

Антонио Конте и Симоне Инзаги, синоќа против Парма односно Лацио беа исклучени речиси во истата минута.

Конте доби црвен картон откако се скара со некои играчи на клупата на Парма, а набргу потоа црвен картон доби и тренерот на „млекарите“ Кристијан Киву.

Од друга страна, Инзаги беше бесен на колегата Марко Барони, кој побара преглед на ВАР системот по играњето со рака на Јан Бисек во 88-та минута, по што Педри постигна гол од пенал за 2:2.

Да потсетиме, доколку Наполи и Интер ја завршат сезоната со ист број бодови, за титулата ќе се игра мајсторка на неутрален терен. Вакво сценарио е можно само доколку Наполи загуби, а Интер одигра нерешено.

Поранешниот белгиски репрезентативец, Јан Вертонген, кој го држи рекордот по бројот на одиграни натпревари во дресот на репрезентацијата (132) замина во пензија. Кариерата долга 19 години, Вертонген ја заврши во татковината, во дресот на Андерлехт.

Клубот му оддаде почит пред почетокот на дуелот со Бриж во претпоследното коло од белгиското првенство. Ова беше последниот натпревар на славниот клуб оваа сезона на нивниот стадион, па затоа беше вистинско време да се збогува со Вертонген, инаку капитен на тимот.

Белгиецот остави најдлабока трага во дресот на Тотенхем. Во текот на осум сезони во Лондон, тој беше столб на одбраната, а неговото партнерство во одбраната со Тоби Алдервајрелд беше запаметено по многу одлични натпревари.

Вертонген играше со Тотенхем и во финалето на Лигата на шампионите во 2019 година, но тогаш Ливерпул беше подобар од нив. Тој одигра 232 натпревари за клубот и постигна шест гола. Два пати беше избран во тимот на сезоната во Премиер лигата, во 2013 и 2018 година.

Пред Тотенхем, тој помина шест години во Ајакс, каде што ја започна својата кариера. Тој двапати го освои холандското првенство и уште двапати Купот. Подоцна, тој освои уште едно првенство и Купот на Португалија со Бенфика.

Вертонген остави длабока трага во националниот тим. Тој играше на две Светски првенства (2014 и 2018) и две Европски првенства (2016, 2020).

🚨 Jan Vertonghen played the final home match of his career this weekend before retiring. 👋🇧🇪

His former teammates including Mousa Dembele made a special appearance to honour his career. ❤️🥹

(🎥 @DAZN_BEFR) pic.twitter.com/7N36qJ6lXZ

— Transfer News Live (@DeadlineDayLive) May 19, 2025