Поранешниот капитен на Англија, Дејвид Бекам, официјално е прогласен за витез за неговите заслуги во фудбалот и неговиот придонес во британското општество.

50-годишниот Бекам, кој претходно оваа година беше на списокот на почести за роденденот на кралот Чарлс, ја прими почеста лично од монархот за време на церемонија одржана во Беркшир.

„Не би можел да бидам погорд“, рече Бекам, „Секој знае колкав патриот сум, ја сакам мојата земја. Секогаш велев колку е важна монархијата за моето семејство. Имав привилегија да патувам во светот и насекаде луѓето сакаат да зборуваат за нашата монархија. Тоа ме исполнува со гордост“.

Arise, Sir David Beckham! pic.twitter.com/5erW1I3ZrU

— BBC Sport (@BBCSport) November 4, 2025

Бекам одигра 115 натпревари за репрезентацијата на Англија и беше капитен на „трите лава“ шест години, помеѓу 2000 и 2006 година.

Учествуваше на три светски првенства и две европски првенства.

Како дете на Манчестер јунајтед, тој помина низ академијата на клубот и дебитира за првиот тим во 1992 година. Помина 11 сезони со Јунајтед и освои сè што можеше да се освои пред да се пресели во Реал Мадрид во 2003 година во трансфер од 25 милиони фунти.

По четири години во Шпанија, Бекам ја продолжи кариерата во ЛА Галакси, а потоа имаше две позајмувања во Милано, за да се пензионира во 2013 година во дресот на Пари Сен-Жермен.

Неговото влијание, сепак, оди подалеку од фудбалот. Роден во источен Лондон, тој беше клучна фигура во кампањата што му ја донесе на Лондон титулата на Олимписките игри во 2012 година.

Тој соработува со УНИЦЕФ од 2005 година, а во 2015 година беше основан фонд во негова чест по повод десет години соработка.

Во 2024 година Бекам стана амбасадор на Фондацијата на кралот Чарлс поддржувајќи ги образовните програми и иницијативи на кралот Чарлс насочени кон доближување на природата и одржливиот живот до младите луѓе.

Денес, Бекам е косопственик на Салфорд Сити, клуб од Лига 2, заедно со поранешниот соиграч Гари Невил, и косопственик на Интер Мајами, тим во американската МЛС-лига.

Канадскиот напаѓач Џонатан Дејвид (25) е незадоволен од својата минутажа во Јувентус и би можел да го напушти клубот од Торино во зимскиот преоден рок, објавија италијанските медиуми.

Дејвид постигна 25 гола и 12 асистенции во Лил минатата сезона, а во јули се пресели во Јуве како слободен играч. Со „Старата дама“, Дејвид потпиша петгодишен договор.

Иако оваа сезона одигра 12 натпревари, не успеа да се етаблира како стандарден играч во првиот тим. Во тие 12 натпревари постигна само еден гол.

Италијанските медиуми тврдат дека новиот тренер на Јувентус, Лучијано Спалети, би можел да има слух за канадскиот репрезентативец и да му даде поголема улога.

Спалети, кој го наследи Игор Тудор, дебитираше на тренерската клупа на Јуве во саботата, со победата над Кремонезе (2:1), но Давид влезе во игра дури во 85-тата минута.

Исто така, малку е веројатно дека Дејвид ќе биде во почетниот состав за вечерашниот натпревар од Лигата на шампионите против Спортинг.

Сопствениците на Фиорентина го отпуштија Стефано Пиоли. „Виолетовите“ со Пиоли на клупата не забележаа ниту една победа во првите 10 рунди во Серија А.

Фиорентина под Пиоли освои само четири поени и се наоѓа на последната позиција на табелата.

Кога пристигна во средината на јули оваа година, потпиша договор до јуни 2028 година, па Фиорентина веројатно скапо ќе ја плати оваа непланирана разделба.

Помеѓу Фиорентина и Милан, кого го водеше 240 пати и го освои италијанското првенство во 2021/22 година, Пиоли имаше и краток престој во Ал-Наср.