Спорт
Ф8 во ЛШ во Лисабон, во ЛЕ во Германија
Европската фудбалска унија (УЕФА) донела одлука каде ќе бидат одиграни завршните турнири во Лигата на шампионите и Лига Европа. Прв пат во историјата УЕФА воведува завршни турнири на кои ќе учествуваат по осум екипи.
„Скај Спорт Италија“ објави дека сите детали ќе бидат познати по состанокот на Извршниот одбор кој ќе се одржи на 17 јуни. Според овој извор турнир со осум екипи во Лигата на шампионите ќе се игра во Лисабон, додека ист таков турнир во Лига Европа ќе се игра во Германија, најверојатно во Франкфурт.
Исто така УЕФА решила Суперкупот на Европа да биде одигран во Будимпешта.
„Скај Спорт Италија“ потсетува дека учесниците на Ф8 турнирите се уште не се познати. Во Лигата на шампионите четврт-финале обезбедија Атлетико Мадрид, Аталанта, Лајпциг и ПСЖ.
Допрва реваншите треба да ги одиграат Барселона и Наполи (1:1), Јувентус и Лион (0:1), Баерн и Челси (3:0) и Манчестер сити и Реал (2:1).
Посложена е ситуацијата во Лига Европа, таму Интер и Хетафе, односно Рома и Севилја се уште не ги одиграле ниту првите осмина-финални натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

