Спорт
Фабрицио Романо: Тудор ќе биде новиот тренер на Наполи
Дебакл што ја прели чашата. Вака италијанските медиуми пишуваат за тренерот на Наполи, Руди Гарсија откако актуелниот шампион загуби со 0:1 од Емполи во 12. коло на домашен терен.
Наполи, кој минатата сезона го освои Скудетото и стигна до четвртфиналето во Лигата на шампионите, оваа сезона по 12 првенствени натпревари има 11 бода помалку од истиот период минатата сезона.
Во Лигата на шампионите во четири кола однесе само седум бода. Претседателот Аурелио Де Лаурентис и на вчерашниот натпревар влета во соблекувалната на полувремето, како и на неколку претходни, но ниту тоа не помогна.
Италијанците пишуваат дека најсериозен кандидат за нов тренер е Игор Тудор. Оттаму додаваат дека се очекува Гарсија да добие отказ сега, додека трае репрезентативната пауза, бидејќи никој не верува дека Гарсија може да го подигне тимот пред страшната серија што следи по паузата: Аталанта, Реал, Интер и Јувентус.
Фабрицио Романо, инсејадерот кога станува збор за фудбалски трансфери тврди дека Гарсија сигурно ќе добие отказ.
„Руди Гарсија денеска ќе добие отказ. Добив потврда за тоа. Дознав и дека Игор Тудор е главен кандидат за нов тренер на Наполи. Тудор денеска ќе ги договори деталите за договорот и платата со претседателот Де Лаурентис и ќе потпише договор“.
Тудор (45) речиси 12 години мина во Италија, како играч и помошник тренер на Јувентус и тренер на Удинезе и Верона. Последниот ангажман му беше со Марсеј, кој го напушти минатото лето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.