Сензационално, Реал загуби дома од Селта (0:2) во 16-то коло од Ла Лига. Стрелец на двата гола за победата на гостите беше Вилиот Сведберг во 53-та минута и третата минута од судиското продолжение.

Во Реал се бесни на судијата Алехандро Кинтеро, кој им додели црвени картони на дури тројца играчи на Реал.

Левиот бек, Фран Гарсија беше исклучен во 64-та минута, експресно доби два жолти картони поради остри стартови.

Fran García is honestly one of the worst players I’ve ever seen wear a Madrid shirt pic.twitter.com/iV5s5xY0LN

— Ema 🇫🇷 (@iluvkylian) December 7, 2025

Во втората минута од судиското продолжение, Алехандро Карерас, кој ја крпеше десеткуваната одбрана на Реал како стопер, доби директен црвен картон откако доби жолт картон една минута претходно.

Шпанските медиуми пишуваат дека вториот жолт картон го добил затоа што му рекол на судијата: „Многу си лош“.

This is not fking normal at all !!! MO FKING TEAM can talk to referee this way and go away with it except them!

Like wtf ?! What with this superiority complex they have? Everyone gets frustrated for some of referees decisions! But no one does this! pic.twitter.com/8OJuJYlp2o

— Ghada (@GhadahPG) December 7, 2025

По црвениот картон на Карерас, полудеа сите играчи на Реал, црвен доби и резервата Ендрик, кој не доби шанса да игра на овој натпревар.

Во извештајот, судијата објасни зошто му го доделил црвениот картон на резервниот напаѓач на Реал: „Тој стана од клупата, ја напушти техничката зона, му викаше на четвртиот судија, поради што тренерите мораа да го смират“.

Endrick collect Red card for bench 😭

pic.twitter.com/td8VHhHmE4

— Jo El (@Daht_benin_boy) December 7, 2025

Во таа ситуација,Феде Валверде и Родриго добија жолти картони. Претходно, Џуд Белингам и тренерот Чаби Алонсо исто така добија јавна опомена. Селта доби само еден жолт картон.

Судијата во извештајот наведе дека Дани Карвахал, кој не играше поради повреда, му рекол: „Постави ваков критериум, а потоа ќе плачеш пред новинарите“.

Проблем за Реал, пред следниот меч во Примера е и повредата на Едер Милитао, кој пред време го заврши дуелот со Селта.

Пари Сен Жермен и Манчестер Јунајтед наскоро би можеле да реализираат една од најинтересните размени во европскиот фудбал. Според информациите од англиските медиуми, францускиот клуб ја разгледува можноста да го понудат младиот Бредли Баркола во замена за Маркус Рашфорд.

Овој потенцијален договор предизвика голем интерес бидејќи вклучува двајца играчи со различни профили, но со голем потенцијал за понатамошен развој. И додека Баркола би претставувал долгорочна инвестиција за Јунајтед, Рашфорд би можел да донесе квалитет и искуство во нападот на ПСЖ.

Рашфор сезонава игра во Барселона, но јасно е дека Каталонците нема да го откупат неговиот договор. Станува збор за сума од 30 милиони евра. Од друга страна, помладиот Баркола, се соочува со силна конкуренција на крилните позиции во ПСЖ, поради што не може да се каже дека е сигурен стартер во системот на Луис Енрике.

Англиските медиуми, пишуваат дека ПСЖ би ја инцирале оваа размена, односно дека би го искористиле Баркола за да го реализираат трансферот на Рашфорд.

Се очекува преговорите да продолжат во наредните недели, а двете страни наводно остануваат отворени за договор што би можел да ги задоволи сите вклучени.

Реал Мадрид доживеа сензационален пораз во неделата на домашен терен од Селта. Екипата од Виго по две децении упспеа да победи во Мадрид. Стрелец на двата гола беше 21-годишниот Сведберг.

Реал испушти +5 во однос на Барселона по „Ел Класико“ и сега е -4 по само шест недели, што ги вклучи алармите во Мадрид.

Во клубот, му се лути на судијата Алехандро Кинтеро, кој е првиот во историјата што му покажал два црвени картони на Реал на „Сантијаго Бернабеу“.

Чаби Алонсо го критикуваше судијата, но тој не ги штедеше ниту своите играчи.

„Одлуките на судијата нè излудеа и воопшто не ми се допаѓа како ја заврши работата. На пример, судијата едвај чекаше да му ја покаже картон на Карерас. Во неколку периоди од натпреварот, судијата беше главен. Како што реков претходно, воопшто не ми се допаѓа ваквото судење“, рече Чаби Алонсо и продолжи:

„Сепак, морам да кажам дека игравме подобро само кога останавме со еден играч помалку, бидејќи почнавме да трчаме. Планот беше да играме побрзо, да притискаме, но ни недостасуваа некои работи. Повредата на Милитао ги наруши нашите планови и тоа е многу лоша вест за нас, бидејќи имаме многу повредени играчи. Загубивме три бода, но сè уште има многу за што да се игра, но сме лути и сигурен сум дека ќе покажеме реакција во среда против Сити. Сите сме одговорни“, рече Алонсо.

Инаку, според некои извори, иднината на судијата Квинтеро ќе биде под лупа, а многумина предвидуваат дека поради ваквиот третман на Реал Мадрид, тој ќе оди на „ладење“ поради притисоците што се очекуваат од „кралскиот“ клуб во наредните денови.

Во исто време, мадридски извори повторно пишуваат дека во соблекувалната на Реал постои поделено мислење во врска со Алонсо. Некои играчи не ги разбираат неговите тактички идеи, а на некои им пречи и тоа што како лидер е многу поригорозен од Карло Анчелоти, кој беше многу „помек“.

Исто така, пишуваат дека играчите имале различни реакции по поразот од Селта, дека некои ги обвинувале судиите, додека други извикувале „бевме очајни“.