Италијанската лига потврди дека тимот на Киево Верона е исфрлено од Серија Б во сезоната 2021/22, прогласувајќи го клубот банкротиран, и нивното место во втората лига ќе го преземе Козенца.

Според правилата во Италија, секој клуб мора да го докаже својот финансиски статус пред регистрацијата за новата сезона, за да не се случи банкротирање во текот на сезоната. Неодамна на сличен начин од Серија Б беше исфрлен тимот на Палермо.

Киево, клубот со прекар „летечки магариња“, не успеа да се регистрира бидејќи ги нема исплатено даночните обврски. Ова значи дека тие ќе мора да старуваат од Серија Д, најниското ниво на италијанскиот фудбал, во основа аматерска лига.

Киево го добија прекарот „летечки магариња“ од градските ривали Хелас Верона, кои се шегуваа дека кога клубот ќе влезе во Серија А, ќе „летаат магариња“. Ова се оствари во 2001 година, а потоа Киево играше и во УЕФА купот и во квалификациите за Лигата на шампионите. Минатата сезона тие завршија на осмото место во Серија Б.

Екстремните временски услови на Олимпијадата во Токио ги загрижува спортистите, откако беше најавено дека во вторник Токио ќе биде погоден од тропска бура, но организаторите велат дека „нема грижа“ за здравјето на спортистите.

Натпреварувањата во веслање, сурфање и стреличарство веќе беа презакажани пред бурата, која е последна природна непогода која ги мачи спортисте, кои веќе имаа голем проблем со големата жештина во јапонската престолнина.

И покрај најавите дека ќе има силен дожд, бури и ветер во Токио, организаторите велат дека нема причина за вознемиреност – портпаролката на Токио 2020, Маса Такаја изјави дека е потребно „само придржување на советите на организаторите“.

Тенисерите најмногу се мачеа на жештината досега, откако Данил Медведев се пожали дека нема доволно мраз за време на паузите, а и светскиот рекет број 1, Новак Ѓоковиќ призна дека е тешко да се оддржува концентрацијата. Денеска, на триатлонската трка, норвешкиот шампион Кристијан Блуменфелт колабираше по пристигнувањето на целта.

Дефанзивецот на Манчестер сити, Педро Поро, тврди дека ниту еднаш не разговарал со својот менаџер Пеп Гвардиола иако веќе две години е во тимот на актуелниот англиски шампион.

21-годишниот Шпанец пред две години пристигна на „Етихад“ од сестринскиот клуб Џирона во договор вреден околу 11 милиони фунти, но веднаш беше пратен назад во Шпанија како позајмен фудбалер во Реал Валјадолид пред во август 2020 да биде пратен на двегодишен заем во португалскиот Спортинг.

Минатата сезона тој со нив ја освои лигашката титула и беше именуван во тимот на сезоната, а беше повикан и во шпанската репрезентација (иако не играше на ЕП).

„Не, никогаш не сум зборувал со Пеп Гвардиола. Мислам дека тој воопшто не знае дека сум фудбалер на Сити. Во клубот некој мора да знае што се случува“, вели Поро за „Мирор“.

Се верува дека Спортинг ќе ја активира клаузулата од 8,5 милиони евра да го купи Шпанецот