Изминатата ноќ се одиграа седум натпревари во НБА лигата. Денвер ја прекина серијата од три порази со триумф во неизвесна завршница во Филаделфија.

Нагетс победија со 137:134, предводени од Џамал Мареј, кој постигна 31 поен со 11 асистенции и Никола Јокиќ, кој за еден скок остана без трипл-дабл. Српскиот центар мечот го заврши со 28 поени, 13 асистенции и девет скока. Погоди десет од 14 од поле и два од три за три поени.

Мајкл Портер Јуниор додаде 24 поени, Џулиен Стротер 18, а двоцифрени беа и Кристијан Браун со 15 и Арон Гордон со 11 поени.

За Филаделфија, Тајрис Макси постигна 42 поени со девет асистенции, Гершон Јабусуле имаше 28, а Кели Убре Јуниор постигна еден поен помалку.

Беше неизвесно во текот на целиот натпревар, дури и во финишот. Филаделфија израмни на 130:130 на 54 секунди до крајот, но Мареј постигна тројка, а Јокиќ два поени, а потоа Мареј стави точка на три секунди до крајот кога погоди две слободни фрлања.

Сан Антонио Спарс ги декласираа Милвоки Бакс со 144:118.

Вембањама го заврши мечот со 30 поени и 14 скока, Џонсон додаде 24 поени за Сан Антонио, а Касл додаде 20. Милвоки го предводеше Јанис Адетокумбо со 35 поени и 14 скока, Лилард додаде 22, а Мидлтон 21 поен.

Феникс славеше победа над Голден Стејт со 130:105, предводен од Букер, кој постигна 31 поен и испорача 11 асистенции. Следуваше Бил со 21 поен. На другата страна Муди и Вигинс постигнаа по 17 поени.

Резултати:

Шарлот – ЛА Клиперс 104:112
/Мициќ 20 – Пауел 27/

Детроит – Далас 117:102
/Канингем 40 – Ирвинг 28/

Филаделфија – Денвер 134:137
/Макси 42 – Мареј 31/

Торонто – Чикаго 106:122
/Барнс 20 – Вајт 25/

Њу Орлеанс – Бостон 116:118
/Марфи 40 – Браун 28/

Сан Антонио – Милвоки 144:118
/Вембањама 30 – Адетокумбо 35/

Голден Стејт – Феникс 105:130
/Муди 17 – Букер 31/

Нејмар, по 12 години се врати во својот матичен клуб Сантос, каде што ја започна кариерата. Летото 2013 година направи трансфер во Барселона.

По Барселона играше во ПСЖ и Ал Хилал.

Сантос го пречека својот херој на спектакуларен начин. Навивачите ги исполнија трибините на стадионот „Вила Белмиро“.

Над 15.000 фанови го пречекаа својот „син“, кој не можеше да ги сокрие емоциите и солзите радосници.

Патем, верувале или не, Нејмар во првиот мандат во Сантос до својата 21 година одигра 225 натпревари, постигна 136 гола и забележа 64 асистенции, што значи дека учествувал во точно 200 гола за првиот тим.

NEYMAR IS BACK HOME!!!!!!! 🇧🇷🇧🇷🇧🇷 pic.twitter.com/k1FLVVcunv

— Brasil Football 🇧🇷 (@BrasilEdition) January 31, 2025

🚨🚨🚨NEYMAR’S FULL PRESENTATION FOR HIS RETURN TO SANTOS 🎥 pic.twitter.com/HCgeUaXqGl

— Brasil Football 🇧🇷 (@BrasilEdition) January 31, 2025

Трансферот на Алваро Мората од Милан во Галатасарај е договорен и останува само играчот да ги комплетира лекарските прегледи.

Напаѓачот дојде во Милан ова лето како крунисан европски шампион. Се очекуваше тој да го предводи нападот на „росонерите“, но очигледно е дека раководството, а можеби и новиот тренер Сержио Консеисао, не беа задоволни.

Сезонава има шест гола и две асистенции на 25 натпревари. Мората оди во Истанбул на позајмица до крајот на сезоната, со опција за продолжување на уште една година. Вклучена е и клаузула за потенцијален откуп.

Ова ќе биде четврта земја за Морати во која настапува по Шпанија (Реал и Атлетико Мадрид), Италија (Јувентус, Милан) и Англија (Челзи).

🚨🟡🔴 Álvaro Morata to Galatasaray, here we go! AC Milan and Gala have now verbally agreed on all terms of the move.

Initial loan with option to extend +1 year and buy clause included.

Documents being checked, then Morata will fly to Istanbul.

Exclusive story, confirmed. 🇹🇷 pic.twitter.com/lcoosxUNHY

— Fabrizio Romano (@FabrizioRomano) January 31, 2025