Арсенал претрпе уште еден тежок удар во дедефанзивниот дел од тимот. Кристијан Москера ќе отсуствува најмалку шест недели поради комплицирана повреда на глуждот што ја заработи во победата против Брентфорд во средата.

Со оглед на тоа што Габриел Магаљаеш и Вилијам Салиба веќе се надвор од тимот, „топџиите“ се соочуваат со сериозни проблеми во одбраната, во клучниот период од годината.

Москера мораше да ја напушти играта за време на победата на Арсенал од 2:0 над Брентфорд откако направи незгоден старт, а првичните проценки сугерираат дека шпанскиот дефанзивец ќе отсуствува помеѓу шест и осум недели.

Неговата повреда дополнително го прошири списокот на повредени дефанзивци и создаде нови главоболки за тренерот Микел Артета, чиј тим се бори на неколку фронтови.

Арсенал е веќе без Салиба и Габриел. Французинот наводно е само „неколку дена“ од враќањето по мала повреда на тренинг, додека Бразилецот би можел да биде надвор од теренот до јануари поради проблем со бутниот мускул.

Во нивно отсуство, Москера формираше централен бек со Пјеро Хинкапи.

Артета сега ќе мора да формира нов пар во централниот дел од одбраната, извесно е дека покрај Хинкапи е ќе игра Калафјори.

Foto/ EPA

Дисциплинската комисија на УЕФА делумно ја прифати жалбата на Баерн Минхен и му ја намали казната на Колумбиецот Луис Дијаз.

Клубот од Минхен потврди дека Европската куќа на фудбалот одговорила на нивната жалба и му ја намалила казната на Луис Дијаз од три на два натпревари поради црвениот картон што го доби на натпреварот од Лигата на шампионите против Пари Сен Жермен (2:1) на 4 ноември во главниот град на Франција.

Колумбиецот беше исклучен на крајот од првото полувреме во Париз кога грубо стартуваше врз Ашраф Хакими. Судијата доби повик од ВАР собата, го погледна видеото и го исклучи Дијаз.

Во тој момент, Баерн водеше со 2:0 со головите на Луис Дијаз и до крајот на натпреварот успеа да ја зачува победата и покрај тоа што имаше еден играч помалку во преостанатите 45 минути.

28-годишникот веќе отслужи еден натпревар суспензија, го пропушти натпреварот против Арсенал (1:3) во Лондон, а нема да може да игра ниту во вторник, 9 декември, против Спортинг Лисабон во Минхен.

Откако пристигна од Ливерпул ова лето за 60 милиони евра (45+15), Луис Дијаз се покажа како одлично засилување за Баварците. Досега, тој одигра 20 натпревари во сите натпреварувања и постигна 12 гола со шест асистенции.

Foto/ EPA

Кошаркарите на Денвер славеа на гостински терен против Атланта по пресврт, 134:133.
Никола Јокиќ го заврши натпреварот со 40 поени, девет скока, осум асистенции, една украдена топка и една блокада.

Денвер одиграа лоша прва четвртина, имаа минус од 19 поени, а во вториот период разликата беше и 23 поени во корист на Атланта. Нагетс се вратија во мечот во третиот период, кога успеаја да дојдат до едноцифрен минус, а победникот го решија со серијата 23:3 во последната четвртина.

Џамал Мареј повторно имаше важен придонес со 23 поени, 12 асистенции и пет скока. Тим Хардавеј имаше 17 поени и шест скока, а Кам Џонсон имаше 16 поени и четири скока.

Џејлен Џонсон имаше неверојатно прво полувреме, запишува трипл-дабл и стануа осмиот играч во историјата што го сторил тоа. Играчот на Атланта го заврши натпреварот со 21 поен, 18 скока и 16 асистенции.

За „Јастребите“ се истакнаа и Никел Александер-Вокер со 30 поени и пет скока, односно Кристапс Порзингис со 25 поени.

Резултати:

Бостон – ЛА Лејкерс 126:105
/Браун 30 – Ривс 36/

Орландо – Мајами 106:105
/Вагнер 32 – Пауел 28/

Њујорк – Јута 146:112
/Бренсон 33 – Џорџ 18/

Торонто – Шарлот 86:111
/Квикли 31 – Нупел 21/

Кливленд – Сан Антонио 130:117
/Мичел 28 – Васел 28/

Детроит – Портланд 122:116
/Канингем 29 – Авдија 35/

Чикаго – Индијана 105:120
/Вајт 22 – Сијакам 36/

Хјустон – Феникс 117:98
/Томпсон 31 – Брукс 23/

Мемфис – ЛА Клиперс 107:98
/Кауард 23 – Ленард 24/

Милвоки – Филаделфија 101:116
/Портис 22 – Грајмс 22/

Оклахома – Далас 123:111
/Гилџис-Александер 33 – Харди 23/