Спорт
Федерер пред новата пресметка признава: Мразев да играм против Рафа
Рафаел Надал признава дека „мразел“ да игра против својот долгогодишен ривал Рафаел Надал и против други левучари бидејќи морал да научи како да „контрира“ на ваквиот стил на игра.
Федерер и Надал ќе се сретнат во класично полуфинале на Ролан Гарос во петок, откако го помина Стен Вавринка во вторникот за прв пласман во четврт-финале во Париз од 2012 година. Надал е апсолутен фаворит во овој дуел, бидејќи има 11 титули од Ролан Гарос и неверојатен 91-2 скор на турнирот.
Федерер, кој има 15 победи во 38 меча со Надал, последен пат го победи Шпанецот на земја во финалето во Хамбург во 2007 година, но вели дека најголемиот предизвик бил да се адаптира на играта на Шпанецот на било која подлога.
„Јас ќе го следам мојот план на игра и тоа што ми дозволува мојата игра. Со Рафа на земја, секако, тоа ќе биде крајниот предизвик, морате да бидете свесен против кого играте. Покрај тоа, тој е левучар и тоа менува сè. Имам два дена, што значи дека ќе можам да тренирам за игра против левучари, кога мораш да направиш големи промени. Никогаш не е природно да се игра против левучари, Рафа или било кој друг. Порано многу мразев кога ќе играв против него, бидејќи предизвикот е најголем, но сега уживам во тестот“, вели Федерер.
Надал, пак, вели дека едвај чека да се сретне со стариот ривал.
„Двајцата ги делевме најважните моменти во нашата кариера заедно еден против друг. Ова е нова епизода и среќен сум што ја имаме, бидејќи моментот ќе биде посебен“, изјави Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.