Спорт
Федерико Гати беше ѕидар, работеше во супермаркет, а сега е ѕвезда на Јувентус
Јувентус во четвртокот стигнаа до важна 1:0 победа над Спортинг Лисабон во првиот меч од четврт-финалето на Лига Европа, а стрелец беше Федерико Гати, човек кој до пред неколку години работеше како ѕидар, поставуваше прозорци и работеше во супермаркет.
Кој е Федерико Гати?
Гати е роден во Риволи, во близината на Торино во 1998 година, и иако беше дел од академијата на Торино како фудбалер од средниот ред, својата репутација ја направи во аматерскиот фудбал. Со постери на Стивен Џерард и Френк Лампард на својот ѕид, тој сонувааше да игра во средниот ред, но бидејќи беше највисок во тимот на Павроло во 2017/18, беше поставен да игра во одбраната. Пред само три години тој играше во Серија Д со тимот на Вербанија, и повремено работеше бидејќи неговиот татко бил невработен.
„Имав многу работи, никогаш нема да го заборавам тоа минато. Тоа ми дава сила во тешките моменти. Работев од се по малку. Во супермаркети, местев прозори, работев како ѕидар. За среќа, ми успеа во фудбалот“, вели 24-годишниот Гати.
Во 2020 тој стана професионалец, потпишувајќи за клубот од Серија Ц, Про Патрија за 100.000 евра, а потоа играше за Фросиноне, каде што беше забележан од Јувентус, кои го купија за 10 милиони евра. Откако повеќе месеци беше замена за Леонардо Бонучи, Гати оваа сезона доби шанса од Масимилијано Алегри за да биде стандарден првотимец.
Тој исто така признава дека бил инспириран од кариерата на Морено Торичели, кој од својата професија како столар стана бек во тимот на Јувентус кој ја освои Лигата на шампиони. Со 400.000 евра годишно, тој е најслабо платениот играч на Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бетис купи играч на Барселона и веднаш го продаде за пет пати поголема сума
Фудбалскиот клуб Бетис, го откупи договорот на Чади Ријад е реши да го продаде во Премиер лигата.
Чади Ријад е 20-годишен Мароканец со шпански пасош. На почетокот на минатата сезона Барселона го испрати на позајмица во Бетис. Клубот од Севилја во договорот стави клаузула дека може да го откупи за три милиони евра.
Правото да го откупи договорот на фубалерот Бетис го искористи на 23 мај. Три недели подоцна Бетис реши да заработи од трансферот на Ријад.
Шпанските медиуми објавија дека Ријад кариерата ќе ја продолжи во Кристал Палас. Трансферот ќе биде реализиран на 1 јули кога ќе биде отворен трансфер пазарот.
Бетис од продажбата на Ријад ќе заработи 15 милиони евра.
Спорт
Мајк Џејмс го продолжи договорот со Монако
Најдобриот стрелец во историјата на Евролигата потпиша нов, тригодишен договор со Монако. Финансиските услови не се соопштени, се шпекулира дека годишно ќе заработува три милиони евра.
Мајк Џејмс можеше да бира каде ќе ја продолжи кариерата откако му истече договорот со Монако. Медиумите го поврзуваа со Фенербахче и Олимпијакос, се шепкулираше дека заинтересиран е и Партизан, на крајот Монако експресно реагираше ги прифати неговите услови.
Џејмс е актуелниот МВП во сезоната, вомкоја Монако не успеа да се пласира на завршниот турни.
Американскиот кошаркар, роден 1990 година, европската кариерата ја започна во Загреб, а потоа настапуваше за Хапоел Галил, Пафони, Колосос Родос, од каде што замина во Басконија, а од Шпанија се пресели во Панатинаикос. Потоа се испроба во НБА, каде играше за Феникс Санс и Њу Орлеанс Пеликанс.
По враќањето во Европа повторно беше член на Панатинаикос, потоа на Олимпија Милано, ЦСКА Москва. Следуваше уште еден ангажман во НБА, во Бруклин, пред да се врати на Стариот континент. Од 2021 година е член на Монако.
Спорт
Шпанскиот селектор: Пет репрезентации се фаворити на ЕП
Луис де ла Фуенте, селектор на Шпанија, зборуваше за програмата на Радио Марка, ден пред утрешниот натпревар против Хрватска кој од 18 часот се игра во Берлин.
„Тимот е многу фокусиран и добро подготвен. Тие едвај чекаат да истрчаат утре на теренот и нивното однесување ме прави горд. Тие се пример за доблес, тимска работа и соживот. Што се однесува до нивниот квалитет, за мене тие се најдобрите во светот“. започна Де ла Фуенте.
На новинарско прашање дали Шпанија е во „групата на смртта“, бидејќи тука се и Хрватска, Италија и Албанија, тој одговори:
„Најдобрите репрезентации се секогаш на ЕП и има многу квалитет. Сите репрезентации имаат играчи од висока класа, ова е можеби најсилната група на ЕП, но ние сме подготвено“.
За фаворитите, селекторот на Шпанија вели: „Ова е можеби најсилното ЕП во историјата. Англија, Германија, Франција, Португалија… Шпанија, која мора да се вброи меѓу најсилните на ЕП.“