Спорт
Феликс: Доведете го Бернардо Силва во Барселона
Португалскиот фудбалер Жоао Феликс се уште не е сигурен дали следната сезона ќе игра за тимот на Барселона. Феликс, на почетокот на сезоната во Барселона се пресели како позајмен играч од Атлетико Мадрид.
Младиот напаѓач и покрај тоа што не знае дали ќе остане во Барселона, на клубот му порача дека мора да го ангажира неговиот сонародник, Бернардо Силва.
„Им реков дека треба да го ангажираат Бернардо Силва. Тој е многу добар играч, а како личност е уште подобар. Постојано ме прашува за Барселона, тој исто така има семејство овде. Ме прашува каков е животот во Барселона, му кажав се најдобро и дека одлично ќе се вклопи во Барселона. Да сум на местото на Деко еден ден, би го донел Силва“, изјави Феликс.
Во Барселона, откако замина Ансу Фати, никој не го носи бројот десет во Барселона.
„Да се носи дресот со број 10 во Барселона со себе носи огромна одговорност. Секогаш ми беше омилен број, иако никогаш не сум имал шанса да го носам. Ќе видиме што ќе се случи ако останам”, вели Феликс кој во Бенфика го носеше бројот 79, а во Атлетико седумката.
Силва се уште е играч на Манчестер сити, но доколку Барса искешира 50 милиони евра, лесно може да ја промени својата одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тотенхем убедлив против Манчестер јунајтед на „Олд Трафорд“
Тотенехем убедливо го победи Манчестер јунајтед со 3:0 во претпоследниот натпревар од шестото коло во Премиер лигата. На „Олд Трафорд“, Тотенхем славеше со головите на Џонсон во првото и Кулушевски и Соланке во второто полувреме. Манчестер јунајтед од 42.минута играше со фудбалер помалку, директен црвен картон поради старт врз Медисон доби капитенот Бруно Фернандеш. Тотенхем по шест кола има десет, а Јунајтед седум бода.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.
Спорт
(Видео) Погачар ја освои светската титула
Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.
Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.
Погачар оваа сезона собра вкупно 589 поени, што ја прави најдобра во историјата на велосипедизмот.
Досега најдобрите сезони, дури шест во периодот од 1969 до 1974 година, ги извезе Белгиецот Мерчк.
📊🇸🇮Pogačar 2024 is the best season in male pro-cycling ever according to @prestigelisten.
589 | 🇸🇮Pogačar’24*
585 | 🇧🇪Merckx’72
576 | 🇧🇪Merckx’73
548 | 🇧🇪Merckx’70
540 | 🇧🇪Merckx’71
511 | 🇧🇪Merckx’69
507 | 🇧🇪Merckx’74
440 | 🇮🇹Coppi’49
384 | 🇮🇪Roche’87— Cycling Statistics 📊 (@StatsOnCycling) September 29, 2024
Исто така, оваа година Погачар беше најбрз на престижните трки Лиеж-Бастоњ-Лиеж, Волта Каталуња и Страда Бјанка.
Словенецот славеше во Цирих со време од 6:27.30, што е за 34 секунди побрзо од второпласираниот Австралиец Бен О’Конор и бронзениот Метју ван дер Пол од Холандија.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024