Спорт
Фенер се врати на победите, „Армејците“ го уништија Панатинаикос
Фенербахче, конечно, се врати на победите во Евролигата, откако изддржаа за 96:86 победа над Монако во „Улкер спортса арената“ предводени од чешката ѕвезда Јан Весели.
Весели заврши со 20 поени, 10 скока, 5 асистенции и 2 украдени топки, Марко Гудуриќ додаде 18 поени (сите во второто полувреме), а победата беше обезбедена со низа од 13:1 на стартот на третата четвртина. Сепак, Монако ја намали предноста на 4 поени во последната четвртина, пред Фенер да стигне до победата.
Со ова се прекинува серијата од 4 порази на тимот на Саша Ѓорѓевиќ, кој сега има 4-9 скор, додека сега Монако имаат 4 порази во низа. Мајк Џејмс имаше фантастични 31 поени, но тоа не беше доволно за тимот на Звездан Митровиќ.
Алексеј Швед, пак, ги предводеше ЦСКА Москва до импресивна 97:77 победа над Панатинаикос, постигнувајќи 17 поени и 13 асистенции, а му помогнаа Семјон Антонов со 16 поени и Вил Клајбурн со 16 поени во меч во кој „Армејците“ беа без повредените Торнике Шенгелија, Даниел Хакет и Јоханес Фоигтман. Ова е трета победа во низа за ЦСКА.
ЕВРОЛИГА, 13.КОЛО
ЦСКА Москва – Панатинаикос 97:77 (31:22, 22:16, 22:16, 22:23)
Фенербахче – Монако 96:86 (16:18, 24:24, 23:21, 33:23)
Жалгирис – Басконија 72:68 (21:19, 19:13, 11:14, 21:22)
Баерн Минхен – Асвел Лион 73:65 (12:20, 27:18, 19:16, 15:11)
Реал Мадрид – Макаби Тел Авив 72:70 (20:18, 17:20, 13:21, 22:11)
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-42527-37474”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Филаделфија за 30 секунди испушти +5 – Њујорк во серијата води со 2:0
Њујорк Никс во нестварна завршница успеаја да ја совладаат Филаделфија со 104:101 и поведоа со 2-0 во серијата.
На Филаделфија не и помогна тоа што имаа водство од 101:96 на 30 секунди пред крајот на четвртата четвртина… Сепак, тогаш Брансон погоди тројка од дриблинг, а во следниот напад Донте ДиВинченцо покажа зошто тој е еден од најдобрите шутери во оваа сезона во НБА и тој погоди тројка.
На крајот, Тајрис Макси промаши, а Оу-Џи Ануноби од линијата за слободни фрлања го постави конечниот резултат 104:101. Џоел Ембид се обиде во последната секунда од тешка позиција, но не успеа да му донесе продолжение на својот тим.
Во демонстрација на физички напорна кошарка, која често недостасува во текот на регуларниот дел, беа забележани многу дуели кои беа полни со физички контакти.
Според американските медиуми, Сиксерси не биле задоволни од судењето, па ќе поднесат официјална жалба до раководството на НБА.
Џејлен Брунсон беше најефикасен кај победниците со 24 поени, но со очаен шут од поле – 8/29. Тој забележа и осум скока и шес асистенции. Џош Харт ги одигра сите 48 минути за тимот на Том Тибодо и за тоа време забележа 21 поен (7/16 од поле), 15 скока и три асистенции.
Донте ДиВинченцо додаде 19, Ајзеаа Хартенштајн 14, а Оу-Џи Ануноби 10 поени во тимот за кој, да потсетиме, поради повреда не настапува Џулиус Рендл.
Филаделфија го доби во нападот она што го бара од двајцата најдобри играчи, но целосно потфрли остатокот од екипата. Тајрис Максинатпреварот го заврши со 35 поени (12/22 од поле), девет скока и 10 асистенции.
Џоел Ембид одигра 39 минути и покрај тоа што се уште не е целосно закрепнат од повредата на коленото и имаше 34 поени (12/29 од поле, 8/12 слободни фрлања), 10 скока и шест асистенции.
Спорт
(Видео) Трипл-дабл на Јокиќ, Мареј погоди за победа со звукот на сирената
Денвер Нагетс го победија Лос Анџелес Лејкерс со 101:99. Џамал Мареј го погоди шутот за победа, со звукот на сирената.
Актуелните шампиони водат во серијата против ЛА Лејкерс со 2:0. За Денвер од е 10. последовна победа над „езерџиите“.
Неверојатна натпревар се одигра во „Бол арената“ во која Денвер Нагетс заостануваа од првата до последната минута, единствениот пат кога имаа предност беше конечниот резултат 101:99.
WHAT A BUCKET. THIS IS JAMAL MURRAY EVERYONE. 🏹 pic.twitter.com/xfihf0lXAe
— Denver Nuggets (@nuggets) April 23, 2024
Денвер губеше, со 15 разлика на полувреме и 20 разлика во третата четвртина, но успеа да се врати и да поведе со 2-0 во серијата.
Никола Јокиќ одигра брутален натпревар со 27 поени, 20 скока и 10 асистенции.
Мајкл Портер Јуниор мечот го заврши со 22 поени, а Мареј, кој до последните минути играше лошо, додаде 20 поени и шест асистенции.
Во поразениот тим Дејвис имаше учинок од 32 поени и 11 скока, а Леброн Џејмс 26 поени, осум скока и 12 асистенции.
Серијата сега се сели во Лос Анџелес за следните два натпревари.
Спорт
Капело: Роналдо знае се но не е гениј како Меси, Марадона, Пеле и дебелиот Роналдо
Тренерската легенда 77-годишниот Фабио Капело, дел од анализата на Ел Класико му посвети на тинејџерот Јамине Ламал.
Запрашан дали Јамал може еден ден да биде нешто слично како Лео Меси во Барселона, италијанскиот тренер многу јасно објасни како стојат работите.
„Го запознав Меси на Гампер купот и по 20-25 минути му пријдов на Рајкард и го замолив да ми го позајми таа сезона. Ламине беше генијален и тој е многу интересен фудбалер, но нема да биде гениј како Меси, Пеле и Марадона. Тие беа генијалци“, рече Капело и веднаш објасни зошто во оваа категорија го нема Кристијано Роналдо.
„Тој е одличен играч, освои многу трофеи, Златна топка, но како што реков претходно, тој не е голем како Меси. Роналдо е одличен стрелец и знае како да направи се, но тој не е гениј“, рече Капело.
И кога се чинеше дека Капело веќе ги дефинираше своите три најдобри фудбалски генијалци, Италијанецот повторно се огласи и го вклучи четвртиот член.
„Зборувајќи за генијалци, заборавив еден кој влегуваа во оваа категорија, дебелиот Роналдо“.