Спорт
Ферари ги „спушта“ очекувањата на фановите: Немаме магично стапче

Шефот на Ферари, Матија Биното ги предупреди тифозите дека нема „магично стапче“ со кое ќе гарантира успех за Скудерија во 2022 година и покрај тоа што минатата сезона го освоија третото место во генерален пласман зад недостижните Мерцедес и Ред бул.
Сезоната 2020 беше најлоша кај конструкторите за Ферари во последните 40 години, но во 2021 година тие успеаја да се вратат на третото место победувајќи ги Мекларен со одличен финиш на сезоната.
Биното им даде оценка „осум од десет“ на своите возачи Шарл Леклер и Карлос Саинс Јуниор за оваа сезона, но вели дека фановите треба да бидат трпеливи во исчекување на барем прва победа од Сингапур ГП во 2019 и прва титула од далечната 2007 година.
„Последните години не научија дека прогресот е тежок, бидејќи дури ни во Ф1 не постои магично стапче. Најважно е да се работи сериозно, постојано да се бараат подобрувања и да се оди чекор по чекор. Мораш да бидеш подобар од последните години. Не можеме да кажеме дека сме задоволни што не се бориме за подиуми и победи, и не е убаво да гледаш како другите прославуваат“, признава Биното во божиќното интервју за „Скај спортс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо: Поминав низ тежок период, но дознав кој е на моја страна

Португалскиот капитен, Кристијано Роналдо признава дека поминал низ најтешкиот период во кариерата при враќањето во Манчестер јунајтед, но вели дека било добро да се види кој е на „негова страна“.
Роналдо се најде во конфликт со новиот менаџер на Јунајтед, Ерик Тен Хаг од почетокот на сезоната 2022/23, со само 10 настапи, од кои четири како стартер, по што во експлозивно интервју кај Пирс Морган влезе во напад на Тен Хаг, соиграчите и управата на клубот. По ова, тој се договори за раскин на договорот, за да потпише рекорден договор со саудискиот Ал-Наср до 2025 година.
„Понекогаш мора да поминеш низ некои работи за да видиш кој е на твоја страна. Во тешките периоди, најдобро се гледа кој е од твоја страна. Немам проблем да кажам дека имав лош период во кариерата, но нема време за каење. Животот продолжува и без разлика на сите работи, тоа беше дел од мојот раст како човек. Кога си на врвот на планината, честпати не гледаш што е долу. Сега сум далеку поподготвен и научив важни работи, бидејќи никогаш досега не сум поминал месеци како последните. Сега сум подобар човек“, вели Роналдо.
По спориот старт во Ал-Наср, Роналдо има 9 гола во 8 настапи за клубот, а сега ќе се обиде да ги подобри своите рекорди за португалската репрезентација во мечевите со Лихтенштајн и Луксембург.
Спорт
Катарците и Ретлкиф со „подобрени“ понуди за Јунајтед, акциите на берзата скокнаа!

Акциите на Манчестер јунајтед пораснаа за 6 отсто во средата, пред крајниот рок од 22 часот за новите понуди за клубот, зголемувајќи ги шпекулациите дека клубот, конечно, ќе биде продаден за рекордна сума од околу 6 милиони фунти.
Минатата недела, акциите на Јунајтед паднаа на најниското ниво во 2023 по вестите дека семејството Глејзер се „премислува“ за продажбата и најавите дека американската компанија „Елиот менаџмент“ (поранешни газди на Милан), е подготвена да инвестира во клубот, а Глејзери да останат сопственици.
Но, откако минатата недела, катарскиот тим предводен од шеикот Јасим и британскиот милијардер Сер Џим Ретклиф го посетија „Олд Трафорд“, стана јасно дека плановите за продажба влегуваат во завршната фаза.
Според „Индепендент“, Глејзери сакаат 6 милијарди фунти за клубот, што би било рекордна цена платена за било кој спортски клуб, и Катарците се подготвени да ја достигнат оваа сума, додека Ретклиф, иако има средства за ваков трансфер, е загрижен за долговите кои ги има клубот и не е сигурен во превисоката цена.
Спорт
Швјонтек се повлече од Мајами, се повредила кашлајќи

Мајами опен остана без една од најголемите ѕвезди, откако актуелната шампионка и светска тенисерка број 1, Полјачката Ига Швјонтек се повлече поради повреда на реброто.
„Ова беше многу тешка одлука, но најважно е да се сочува здравјето. Во Доха страдав од силна инфекција, а поради кашлањето го повредив реброто. Се обиов да играм, но не сум подготвена бидејќи имам многу болки. Потребна ми е пауза и затоа се повлекувам од Мајами и од Били Џин Кинг купот“, вели Швјонтек, која ќе биде зааменета од Австријката Јулија Грабнер, која загуби во последното коло од квалификациите.
🎾 It was a very difficult decision to make but I have no doubts that health is the most important. ⤵️
🎾 To była naprawdę bardzo trudna decyzja, ale nie mam wątpliwości, że zdrowie jest absolutnie najważniejsze. ⤵️ pic.twitter.com/HjBqrANmy0
— Iga Świątek (@iga_swiatek) March 22, 2023