Најдобриот играч на Анадолу Ефес, Шејн Ларкин, успешно е опериран во САД, објави неговиот клуб во средата.

Ларкин се повреди кон средината на ноември на натпреварот со Валенсија, а операцијата на тетивата на левата препона е успешно извршена, според соопштението на турскиот клуб.

Искусниот бек-шутер ќе паузира два месеци, па неговото враќање на теренот треба да се очекува дури на почетокот на февруари следната година.

Американскиот кошаркар со турски пасош ја игра својата осма сезона во Ефес, а пред повредата во Евролигата постигнуваше просек од 15,8 поени и 4,5 асистенции.

Foto/ EPA

Кошаркарскиот клуб Барселона, извесно е дека ќе се натпреварува под покровителство на Евролигата во следните десет години. Ова е договорот постигнат меѓу Каталонците и раководството на елитното европско натпреварување.

Каталонците се еден од најголемите и најважните клубови во Европа и како такви од големо стратешко значење за понатамошниот развој на Евролигата, која, со доаѓањето на проектот НБА Европа, и свесни за претстојното натпреварување, мора да вложи најголем напор за да го задржи ‘рбетот на лигата под свое крило.

Имено, како што објави грчкиот портал „Спорт 24“, извршниот директор на организацијата, Паулиус Мотијеунас, одржал состанок со првиот човек на Барселона, Џоан Лапорта, на кој било договорено каталонскиот клуб наскоро да добие нова десетгодишна лиценца за учество во Евролигата.

На овој начин, Евролигата би го обезбедила, еден од најуспешните и најважните клубови во ова натпреварување, да остане под нејзина капа и би го спречила неговиот трансфер во новоформираната НБА Европа.

Разбирливо, со подобра преговарачка позиција, Каталонците си изборија подобри услови за себе.

Како што објавија Грците, Евролигата на Барса гарантира стабилност и зголемен приход во наредните сезони, што беше една од клучните причини за континуираната соработка и останувањето на шпанскиот гигант во натпреварувањето чиј заштитен знак се.

Евролигата е исто така блиску до обезбедување нов долгорочен договор со друг гигант, Фенербахче, актуелниот бранител на титулата, но и со Париз, кој се појави како вистинско освежување на лигата во последните две сезони.

Рокот за потпишување нови лиценци е поставен на 15 јануари следната година.

Челниците на Евролигата се оптимисти дека проширувањето на натпреварувањето ќе продолжи во сезоната 2026/2027 и дека дури 24 екипи ќе играат во новиот формат.

Американската тенисерка Серена Вилијамс ги демантираше тврдењата на Бен Ротенберг дека се враќа на тенисот.

Ротенберг објави како ексклузивна вест дека 44-годишната Американка планира да се врати на теренот по три сезони.

Како извор, тој ја наведе пријавата на Серена на списокот на тенисерки, регистрирани за контрола на допинг, што е задолжително за сите.

Во октомври, Серена се најде на таа листа, првпат од септември 2022 година, што беше причина Ротенберг да се појави во вестите.

„О Боже, луѓе, јас не се враќам. Овој „пожар“ е луд““ објави Серена на X.

Omg yall I’m NOT coming back. This wildfire is crazy-

— Serena Williams (@serenawilliams) December 2, 2025

Во коментар, Ротенберг ја праша зошто аплицирала за тестот, но не доби одговор.

Foto/ EPA