Дербито на 5. коло од ЕХФ Лигата на шампиони не разочара, откако Барселона стигна до тешко извојувана домашна победа од 30:27 (13:13) над Пари Сен-Жермен на Раул Гонзалес.

Иако не беше совршен меч, гласната публика и одличната атмосфера ги предводеше актуелните шампиони до победа и покрај тоа што правеа многу грешки и имаа многу загубени топки. Сепак, кога беше најважно, Дика Мем беше во форма и ја запечати победата.

Барселона се израмнува на првото место во групата Б со Кјелце и Веспрем, додека ПСЖ остануваат четврти во групата.

Во својот 1.008. меч како менаџер, Жозе Мурињо ја доживеа својата најголема катастрофа примајќи шест гола првпат во кариерата откако Рома несфатливо загуби од норвешиот Бодо/Глимт со 6:1.

Ова не е најтешкиот европски пораз за Рома во историјата бидејќи загуби со 7:1 од Манчестер јунајтед во Лигата на шампионите, но 400-те фанови на Рома што отпатуваа далеку на северот на Норвешка не очекуваа тим од калибарот на Бодо/Глимт да направи ваква сензација. Мурињо не сакаше да бара изговори.

„Одговорноста е целосно моја бидејќи јас решив да играм со овој состав. Го направив тоа со добри намери, да им дадам шанса на оние што работат напорно, но немаат многу минути. На вештачки терен и со оваа клима решив да одморам доста од нив и загубивме од тим што беше поквалитетен од нас. Мој тим не примил шест гола досега? Да, но не е важно што јас мислам. Повеќе ми е грижа за момците“, изјави Мурињо.

Европска катастрофа за Рома на Мурињо, Тотенхем загуби во Холандија

Поранешниот тренер на Рома, Пауло Фонсека, е најголемиот фаворит да седне на клупата на официјално најбогатиот клуб на светот, Њукасл јунајтед, тврдат англиските и шпанските медиуми.

Стив Брус веќе се договори за раскинување на договорот со Њукасл бидејќи клубот е на претпоследното место на табелата во Премиер лигата со најмногу примени голови во лигата. Според „Гардијан“, новиот директор и малцински акционер, Аманда Стевели, го преферира Фонсека поради неговиот стил на игра откако се докажа како тренер на Порто, Шахтјор Донецк и на Рома, каде што помина само две сезони пред да биде заменет со Жозе Мурињо.

Тотенхем се обиде ова лето да го донесе Фонсека, но договорот се распадна“ж во последен момент и тој е без ангажман.