Спорт
Фернандо Сантош: Ова е натпревар на животот за Македонија? Исто е и за нас!
Топспорт во Порто,
Никола Ѓуровски
Португалија е голем фаворит, но Македонија е „убиец“ на фаворитите. Ја победи Германија во квалификациите и ја елиминира Италија во баражот за Светското првенство. Утревечер на „Драгао“ во Порто ќе се игра финалната пресметка за пласман на мундијалот.
Селекторот на Португалците, Фернандо Сантош, смета дека ова е „натпревар на животот“, не само за Македонија, туку и за Португалија.
„Мислите дека ова е „натпревар на животот“ само за Македонија? Исто е и за нас. Светско првенство се одржува на четири години, за многу од нашите фудбалери ова е историска шанса да обезбедат пласман на најголемиот светски фудбалски настан. Токму затоа сме максимално фокусирани. Имаме огромна желба, имаме квалитет, ќе ја имаме и поддршката од нашите навивачи. Сакаме да одиме на мундијалот и тоа ќе го оствариме на утрешниот меч“, изјави Фернандо Сантош.
Билетите за стадионот „Драгао“ се распродадени, се очекува Португалија да има огромна поддршка, но и Македонија ќе има околу 2.500 фанови на трибините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лече ја продолжи агонијата на Фиорентина
Фудбалерите на Фиорентина се во криза во каква што не биле, во поновата историја на клубот. По 10 кола, Фиорентина нема победа во Серија А, со само четири бода се наоѓа на претпоследноот место на табелата.
Попладнево на „Артемио Франки“, Фиорентина загуби од Лече (0:1). По овој пораз на време, прашање е само кога тренерот Сетфано Пиоли ќе добие отказ.
Стрелец на единствениот гол за гостите од југот беше Албанецот Медон Бериша во 23-та минута.
Фиорентина, ако е тоа утеха за сите во клубот, а тешко дека е така, не е единствената без победа оваа сезона: Пиза, Верона и Џенова се исто така во таа група.
Пиза одигра возбудливи 2:2 попладнево и покрај тоа што водеше со 2:0 со головите на Стефано Море (неговите први голови во Серија А).
Биковите, сепак, израмнија до полувремето преку Џовани Симеоне и Че Адамс.
Спорт
Синер го освои Париз и се врати на првото место
За прв пат во својата кариера, италијанскиот тенисер Јаник Синер славеше на Мастерсот во Париз.
Во големото финале, Синер беше подобар од Феликс Оже-Алијасим со 6:4, 7:6 (4).
Со овој триумф, Синер се врати на првото место на АТП листата и од понеделник ќе има предност од 250 поени пред Карлос Алкараз пред Финалниот Мастерс во Торино, кој започнува на 9 ноември.
Италијанецот го започна мечот фуриозно, со експресен брејк во првиот гем. Овој брејк одреди во кој правец ќе се движи сетот.
Имаше Синер шанси за брејк во петтиот и седмиот гем, од вториот сет, но Канаѓанецот успеа да се одбрани.
Синер не му дозволи ниту една шанса за брејк на 10-от тенисер во светот.
Во тај-брејкот, еден мини брејк беше доволен, Синер го направи во шестиот поен.
Јаник поведе против Феликс и во меѓусебните средби, по третиот последователен триумф сега е 3-2.
Foto/ EPA
Спорт
(Видео) Вест Хем конечно победи – „Чеканите“ по пресврт славеа над Њукасл
Вест Хем ја забележа првата победа во ерата на Нуно Еспирито Санто. Вест Хем во 10-то коло, го победи Њукасл со 3:1. Ова е прва победа на „чеканите“ против Њукасл по пауза од речиси шест години.
Натпреварот започна лошо за Вест Хем, Џејкоб Марфи по само четири минути игра го совлада Ареола.
„Чеканите“ лошо запопнаа, но добро го финишираа првиот дел. Лукас Пакета изедначи во 35-та, а во првата минута од судиското продолжение, авто-гол си постигна Ботман.
Конечниот резултат, буквално во последните секунди од натпреварот го постави поранешниот капитен на Вест Хем, Томас Соучек. ВАР проверуваше дали Чехот направил прекршок врз голманот Ник Поуп во таа прилика, но на крајот судијата Роберт Џонс го призна голот.
„Чеканите“ можеа да ја обезбедат победата и порано, но голот на 22-годишниот Фреди Потс, син на легендата на клубот и тренер Стив Потс, беше поништен поради милиметарски офсајд.
Капитанот Џерод Бовен и гореспоменатиот Пакет имаа одлични можности претходно, но немаше ниту среќа, бидејќи топката ја погоди рамката на голот наместо да заврши во мрежата.
По оваа победа, тимот на Вест Хем го очекува уште еден исклучително важен дуел во борбата за опстанок. Шампионот од минатата сезона во Чемпионшип, тимот на Барнли, ќе пристигне во Лондон следниот викенд.
Њукасл се соочува со Атлетик Билбао во петтото коло од Лигата на шампионите во среда, пред повторно да се врати во Лондон следната недела на 9 ноември, кога ќе му гостува на Брентфорд.

