Спорт
Ферстапен доминираше и во Австрија во бизарна трка со серија казни!

Макс Ферстапен ја прекина својата низа од 248 круга во водство на Австриското ГП, но сепак, стигна до доминантна победа за уште еден чекор кон третата светска титула, додека најмногу контроверзи предизвикаа низата казни за излегување од границите на патеката кои ги поделија стјуардите на трката.
Ферстапен имаше над 20 секунди предност за победа пред Шарл Леклер во Ферари, додека на подиумот заврши и вториот возач на Ред бул, Серхио Перез иако стартуваше од 14. место.
Карлос Саинс, кој во првиот дел од трката влезе во конфликт со својот тим поради тоа што не му беше дозволено да го помине колегата Шарл Леклер, заврши како четврт, а во поени беа и Лендо Норис во Мекларен, Фернандо Алонсо во Алпин, двојката на Мерцедес, Луис Хамилтон и Џорџ Расел, како и Пјер Гасли (Алпин) и Ленс Строл (Астон Мртин).
Стартот на трката беше „интересен“ за Ферстапен, откако Леклер беше на чекор да го помине, но на крајот Холанѓанецот остана сигурен и потоа немаше проблем да остане во водство. Во трка со повеќе влегувања во боксот, тој, конечно го предаде првото место од кое не се „мрднуваше“ од трката во Мајами во мај. На крајот, тој дури и ризикуваше да го загуби и првото место влегувајќи во боксот на два круга пред крајот во „лов“ на најбрзиот круг и дополнителниот поен, кој успеа да го „грабне“ од својот колега, Перез.
Ова е петта победа во низа оваа сезона за Ферстапен, и петта на трката во Шпилберг, а вкупно 43. во кариерата.
MIGHTY MAX WINS IN AUSTRIA! 🙌
It’s a fifth win for the @redbullracing driver at the Red Bull Ring!!! 👏#AustrianGP #F1 @Max33Verstappen pic.twitter.com/YcNBzIzRLY
— Formula 1 (@F1) July 2, 2023
LAP 69/71
Verstappen comes into the pits to box for a fastest lap attempt!
He really wants those 26 points 😂#AustrianGP #F1 pic.twitter.com/SsDDXXVJi0
— Formula 1 (@F1) July 2, 2023
LAP 61/71
📻: “HE’S INTIMIDATING ME”
Sainz gets onto the radio about Perez’s tactics#AustrianGP #F1 pic.twitter.com/xCpMiBC5iZ
— Formula 1 (@F1) July 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES