Спорт
Ферстапен дополнително казнет за инцидентот во Џеда
Возачот на Ред Бул, Макс Ферстапен, доби дополнителна казна, која сепак не го загрози неговиот пласман на трката за Големата награда на Саусиска Арабија. Ферстапен казната ја доби поради инцидентот во 37. круг и контактот со Луис Хамилтон.
Бизарна ситуација му претходеше на инцидентот. Ред Бул му наложи на Ферстапен да му ја препушти првата позиција на Хамилтон. Ферстапен ја намали брзината, при што дојде до контакт помеѓу болидите, при што возилото на Мерцедес претрпе оштетување на предното крило.
„Во кривната 21 Ферстапен доби порака да му ја врати позицијата на Хамилтон, тимот му порача тоа да го направи тактички. Возилото 33 ја намали брзината во кривината 26. Јасно беше дека ниту еден од возачите не сака да ја преземе првата позиција пред ДРС-линијата. Возачот на болидот 33 рече дека не му е јасно зошто возачот на возилото 44 не ја презема водечката позиција, а возачот на болидот 44 рече дека не бил свесен дека возачот на болидот 33 му ја враќа позицијата и дека не му било јасно зошто тој ја намалил брзината. Одлуката е да се казни возачот на болидот 33 бидејќи одеднаш закочи. Го прифаќаме ставот дека возачот на болидот 44 можеше да го помине возилото 33, разбираме и зошто не сакаше да биде на првата позиција на ДРС-линијата. Сепак, одлуката да се казни возачот на болидот 33 бидејќи ја намали брзината. Ова е стандардна казна за ваков прекршок“, се наведува во образложението на казната.
Покрај оваа казна, ФИА на Верстепн го казни со два бода. Во изминатите 12 месеци Ферстапен е казнет со вкупно седум бода.
Во последната трка од сезоната Ферстапен и Хамилтон ќе влезат со ист број бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рома преговара околу трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.
Спорт
Озил: Барселона е виновна што ел класико повеќе не е најголемиот натпревар во светот
Месут Озил, поранешен фудбалер на Реал, во интервју за „Марка“, го коментираше ривалството помеѓу Реал и Барселона.
„Кога играв во Реал, Ел Класико беше најважниот натпревар на светот. За наша жал, игравме против најдобрата Барселона во историјата. Сега вниманието на гледачите е повеќе насочено кон натпреварите како Ливерпул – Сити или други дерби натпревари во Премиер лигата. Ел Класико не предизвикува толкаво внимание, за тоа виновен Реал, туку Барселона, која е во пад“, вели поранешниот германски репрезентативец.
Тој смета дека неговиот поранешен клуб Реал е најблиску до освојување на Лигата на шампионите.
„Натпреварот против Сити беше фантастичен. Англичаните доминираа речиси во текот на целиот натпревар, но Реал играше интелигентно и се бранеше брилијантно. Извикав „Хала Мадрид“, по последниот пенал. Верувам дека Реал ќе ја освои Лигата на шампионите”.
Европско првенство?
„Англија и Франција имаат неверојатни екипи. Не само првите 11, туку и ширината на нивниот ростер е неверојатна. Сепак, на вакви турнири треба да имате и малку среќа. Мислам дека Шпанија, Португалија или Германија исто така би можеле да стигнат до финалето”.
Озил кариерата ја започна во Шалке, од кој по две години замина во Вердер. За Реал играше од 2010 до 2013 година, а потоа мина осум години во Арсенал. Кариерата ја заврши во Турција каде прво настапуваше за Фенербахче, а потоа и за Истанбул Башакшехир.