Шпанија ќе се обиде да стигне до своја трета европска титула во низа откако се пласира во финалето на ЕП во Унгарија и Словачка, со тешка, но и заслужена 29:25 победа над Данска, во фантастична партија за двете репрезентации.

Данците имаа подобар почеток на мечот и предност од четири гола (4:8 и 8:12), но Шпанците успеаја да се вратат на само еден гол на полувремето (13:14) пред во второто полувреме да имаат далеку подобра игра, предводени од фантастичниот Гонзало Перез де Варгас на голот. Тие го презедоа водството во 40. минута од мечот по што направија три предност (23:20) на 11 минути пред крајот по што немаше камбек за Данците.

Перез де Варгас имаше 13 одбрани на голот, Алеш Гомез Абелјо имаше 11 гола, а џокер беше ветеранот Жоан Кањелјас со 7 постигнати гола. Кај Данска, Микел Хансен имаше 8 гола, а Магнус Ландин додаде 4.

Шпанците за титулата в недела ќе се борат со подобриот од мечот помеѓу Франција и Шведска, кој се игра од 20.30 часот.

Јувентус официјално го потврдија пристигнувањето на напаѓачот Душан Влаховиќ од Фиорентина, ставајќи крај на најголемиот трансфер досега во јануарскиот преоден рок.

22-годишниот српски напаѓач беше во фантастична форма оваа сезона со 17 гола во 21 меч од Серија А во Фиренца, по што привлече внимание на повеќе врвни европски клубови, вклучувајќи ги Арсенал и Тотенхем, но тој беше заинтересиран само за трансфер во Јувентус.

На официјалниот веб-сајт на Лега Серија А, Јувентус официјално го пријавија договорот на Влаховиќ, и тоа без позајмица, односно директно купување на фудбалерот. Според новинарот Фабрицио Романо, договорот вреди 75 милиони евра вкупно со сите бонуси.

Влаховиќ би можел да дебитира за Јувентус веќе на следниот меч против Верона на 6 февруари и ќе биде огромно засилување за тимот на Масимилијано Алегри, посебно бидејќи тој е без повредениот Федерико Киеза, иронично, уште еден фудбалер кој пристигна од Фиорентина во октомври 2020 година.

Неговото пристигнување исто така остава простор за заминување на Алваро Мората, кого го посакуваат Барселона, Њукасл и Тотенхем.

Графика: Sofascore за Топспорт.мк

Влаховиќ стана најскапиот играч од просторите на поранешна СФРЈ

Норвешка со 34:33 по продолжение успеа да го совлада упорниот Исланд за да си го обезбеди петтото место на Европското првенство во Унгарија и Словачка и така да обезбеди директен пласман на следното Светско првенство.

Норвешка имаше предност од четири гола (16:12) на полувремето, но Исланѓаните успеаја да се вратат и да ја направат завршницата особено интересна. Натпреварот отиде во продолженија при резултат 27:27 кога Норвешка имаше напад, но ја загуби топката, а Елвар Јонсон упати удар до празниот гол, но не беше прецизен. Во продолжението, пак, беше израмнето 33:33 кога Харалд Реинкинд од далечина упати удар, кој заврши во исландската мрежа и кој беше признаен по прегледувањето на снимките.

Следниот ракометен мундијал се одржува во Полска и Шведска, кои се квалификувани како домаќини, а директен пласман има и полуфиналистот и актуелен шампион Данска, така што Норвежаните со петтото место изборија место меѓу елитата, а на Исланѓаните им преостанува да се борат преку квалификациите.

🚨 EXTRA-TIME!@HSI_Iceland 🇮🇸 27:27 @NORhandball 🇳🇴 at the end of full-time#ehfeuro2022 #watchgamesseemore pic.twitter.com/7wCYbSpMm0

— EHF EURO (@EHFEURO) January 28, 2022