Спорт
Ферстапен е победник на првата – историска „спринт“ трка во Ф1
Возачот на Ред Бул, Макс Ферстапен е победник на првата историска „спринт“ трка во Формула 1. Холанѓанецот ја освои пол позицијата на трката за Големата награда на Велика Британија, на „Силверстоун“, во трката која ги замени класичните квалификации.
Ваквиот формат ќе се вози уште двапати сезонава – во Монца и во Сао Паоло.
Ферстапен до петтиот пол во сезоната дојде со една секунда ипол пред актуелниот шампион, Луис Хамилтон со Мерцедес, додека трет беше неговиот клупски колега Валтери Ботас.
Од вториот стартен ред на утрешната трка која почнува во 16 часот ќе стартува возачот на Ферари, Шарл Леклер, додека петти е возачот на Мекларен, Ландо Норис. Шести денеска беше Даниел Рикардо.
Во првата десетка имаше место и за Фернандо Алонсо, Себастијан Фетел, Џорџ Расел и Естебан Окон.
„Спринт“ квалификациите се возеа пред полни трибини, а победникот Ферстапен добива 3 бода, Хамилтон 2, додека Ботас 1 бод.
Во генерален пласман сега Холанѓанецот собра 185, Хамилтон е втор со 152, а трет е Перез со 104.
CLASSIFICATION: F1 SPRINT
Confirmation of the win for @Max33Verstappen, who takes an extra three championship points and claims pole position for Sunday's race #BritishGP ?? #F1 pic.twitter.com/ll7JWDX5jj
— Formula 1 (@F1) July 17, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.