Спорт
Ферстапен најбрз на тренинзите во Саудиска Арабија, Алонсо повторно брз!
![](https://makfax.com.mk/wp-content/uploads/2023/03/FrcMr8iWAAMycie.jpg)
Актуелниот шампион и победникот од првата трка од новата сезона во Бахреин, Макс Ферстапен уште еднаш ја покажа силата на Ред бул рејсинг, поставувајќи најдобро време на двете тренинг-сесии во Џеда пред Саудиското ГП овој викенд.
Додека во првата утринска сесија, Ферстапен беше побрз од својот колега Серхио Перез, на втората сесија, под рефлектори, Фернандо Алонсо во Астон Мартин успеа да се доближи на 0.208 секунди од Холанѓанецот, за да докаже дека третото место од Бахреин не беше случајност. Трет најбрз со 0.299 секунди заостанување беше Серхио Перез, пред Естебан Окон во Алпин, Џорџ Расел во Мерцедес, Пјер Гасли во вториот Алпин. Топ 10 ги комплетираа Ленс Строл (Астон Мартин), Нико Хилкенберг (Хас) и двојката на Ферари, Шарл Леклер и Карлос Саинс.
Ова е лош почеток на викендот на Скудерија, откако претходно беше објавено дека Леклер ќе стартува со казна поради менување на електрониката, а двата болиди ќе имаат нови мотори (без казна). Луис Хамилтон, кој по трката во Бахреин беше бесен на Мерцедес за слабата форма, беше само 11.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Срби и Англичани се тепаа во Гелзенкирхен
![](https://makfax.com.mk/wp-content/uploads/2024/06/Untitled-2-7.jpg)
Навивачите на Србија и Англија физички се пресметаа низ улиците на Гелзенкирхен во пресрет на натпреварот на Европското првенство.
На видеата кои се шират по мрежите се гледа дека навивачите фрлаат предмети од кафулињата.
Германската полиција мораше итно да реагира и релативно брзо ја стави ситуацијата под контрола. Искршени се неколку излози и градини.
И додека еден дел од странските медиуми пишуваат дека се работи за пресметки меѓу англиски и српски навивачи, „Билд“ јавуваат дека биле вмешани и албански навивачи.
Искршени се неколку излози и градини.
Натпреварот ќе започне во 21 часот.
I have arrived to Gelsenkirchen ❤️ pic.twitter.com/6eOQVAw0Ay
— Diego | It’s coming home 🏴 (@DiegoNUFC) June 16, 2024
Liebe Grüße aus Gelsenkirchen#EURo2024 pic.twitter.com/3jQ012qmTQ
— slevin 🥷🏼 (@DieserOnkel) June 16, 2024
Just arrived in centre of Gelsenkirchen and a large group of hooded face-covered locals attacked a load of Serbian fans outside a bar!
Hundreds of England fans including kids eating and drinking yards away, totally uninvolved!
Lively start to the day! pic.twitter.com/7mn0DAzIPS
— Simon Clare (@SiClare) June 16, 2024
Спорт
(Видео) Џокерот Вегхорст за триумф на Холандија над Полска
![](https://makfax.com.mk/wp-content/uploads/2024/06/12303397.jpg)
Холандија со победа го започна Европското првенство во Германија. „Лалињата“, со пресврт ја победија Полска во Хамбург со 2:1 (1:1).
Холанѓаните, многу тешко дојдоа до првата победа на ЕП, најмногу по своја вина, бидејќи не знаеја да ги реализираат своите шанси.
Буска ги шокираше Холанѓаните во 16.минута, а изедначи со многу среќа Гакпо во 29.минута. По ударот на Гакпо топката го закачи Саломон го смени правецот и заврши зад грбот на одличниот Шчесни.
Холанѓаните во првиот дек не реализираа три одлични шанси преку Гакпо, Депај и Рејнедрес.
Во второто полувреме јасна беше определбата на Полска да го ува нерешениот резултат. Холандија се обудуваше но немаа интензитет во играта каков што имаа во првото полувреме.
Џокерот на селекторот Куман го реши мечот во 83.минута. Напаѓачот на Хофенхајм нецели две минути претходно влезе на теренот.
До крајот Полска можеше до 2:2, но победата ја сочува голманот Вербруген кој брлијантно го одбрани ударот на Свидерски во 89.минута.
Спорт
Павловиќ во Баерн до 2029 година
![](https://makfax.com.mk/wp-content/uploads/2024/06/1698830531-120874.jpg)
Германскиот репрезентативец и играч на Баерн, Александар Павловиќ го продолжи договорот со баварскиот великан до летото 2029 година.
Павловиќ, кој непосредно пред ЕП ја одби понудата да игра за Србија, земја од која потекнуваат неговите родители, поради проблем со крајниците, два дена пред почетокот на ЕУРО 2024 го напушти кампот на репрезентацијата.
„За жал поради воспаление на крајниците нема да играм на Европското првенство, но воодушевен сум што мојот договор со Баерн е продолжен до 2029 година. Тоа покажува дека клубот има верба во мене. Баерн е мојот дом. Горд сум, среќен и благодарен, сакам да освојувам трофеи со тимот и да продолжам со мојот личен развој“, изјави Павловиќ за клупската веб-страница.
За тимот од Минхен одигра 22 натпревари и постигна два гола.