Поранешниот претседател на УЕФА, Мишел Платини, покрена кривична и граѓанска постапка во француските судови против претседателот на ФИФА, Џани Инфантино. Француската легенда, тврди дека Инфантино бил вмешан во неговото отстранување од трката за највисоката функција во светскиот фудбал.

Платини, еден од најдобрите фудбалери на својата генерација и некогаш прв фаворит да го наследи Сеп Блатер на чело на ФИФА, беше испитан во 2015 година од страна на Етичкиот комитет на ФИФА за исплата од два милиони швајцарски франци што ги добил од Блатер во 2011 година.

Поради тој случај, Платини беше суспендиран на осум години, а неговата казна подоцна беше намалена на четири години со одлука на Арбитражниот суд за спорт (CAS).

Тој и Блатер потоа се соочија со кривична постапка во Швајцарија, но двајцата беа ослободени пред Федералниот кривичен суд во 2022 година, а ослободителната пресуда беше потврдена по жалба во 2025 година.

По неколку години правна битка, Платини сега одлучи да покрене нова постапка, а сегашниот претседател на ФИФА, Џани Инфантино, е меѓу лицата наведени во барањето.

Неговиот адвокат Оливие Баратели потврди дека во тужбата се тврди дека Инфантино и други актери „работеле на исклучување на Платини од трката за претседател на ФИФА“.

Според тврдењата во документот, токму Инфантино бил тој што најмногу се обидел да ја спречи кандидатурата на Платини.

ФИФА сè уште официјално не ги коментирала овие обвинувања.

Платини во текот на целиот процес тврдеше дека спорната исплата од два милиони швајцарски франци била заостаната плата за работата што ја извршувал како советник на Сеп Блатер од 1998 до 2002 година.

Foto/ Depositphotos

Репрезентативците на Сенегал и Узбекистан преживеаја вистинска тортура во Соединетите Американски Држави.

Узбекистанците, пред пријателскиот меч со Холандија, на Менхетн, имаа непријатно искуство.

Имено, сите играчи, членови на тренерскиот штаб, службени лица и помошен персонал мораа да поминат низ ригорозна безбедносна проверка штом излегоа од автобусот пред стадионот „Икан“.

Постапка што ретко се гледа пред пријателски натпревар.

Узбекистанците мораа да ги остават своите работи, кои потоа беа поединечно прегледани од американски офицери со детектори за метал, а во контролата беа користени и кучиња трагачи.

Целата постапка предизвика големо незадоволство во узбекистанската репрезентација.

„Тргнете се од торбите“, му викал еден чувар на член на узбекистанската делегација.

Американскиот третман кон еден од учесниците на Светското првенство многумина го опишаа како понижувачки, особено затоа што стануваше збор за спортска делегација, пријателски натпревар, а не за средба со висок ризик или слично.

„Тие само нам ни го прават ова, прашајте ги зошто?“, се пожали легендарниот Италијанец Фабио Канаваро, најдобриот играч на Светското првенство 2006, сега селектор на Узбекистан.

😳🐕REGISTRO SUPER ESTRICTO HASTA CON PERROS

Así fue el protocolo de seguridad con la Selección de Uzbekistán previo al amistoso contra Países Bajos en Estados Unidos.🇺🇿 pic.twitter.com/D1SzMEYZcP

— ESPN Centroamérica (@ESPN_CENAM) June 8, 2026

За жал, Узбекистанците не беа единствените што минуваа низ пеколот на ригорозните американски безбедносни мерки.

Слична ситуација доживеа и репрезентацијата на Сенегал, која по пристигнувањето беше подложена на детална контрола, на екстремно висока температура на воздухот и со силно присуство на обезбедување.

„Целосни претреси, соблечени чевли, превртени торби како да станува збор за криминалци. Ова е чисто понижување и срам. Тие никогаш не би ги подложиле белците на ваква контрола“, пишува една африканска телевизиска на „X“.

The Senegalese 🇸🇳 delegation gets this treatment on arrival in the USA. Full tarmac searches, shoes off, bags turned inside out like criminals.

This is straight up humiliation and a disgrace. They’d never put white boys through the same.pic.twitter.com/KULjwTsCQI

— World Cup 2026 Daily (@TotalFootball) June 8, 2026

Foto/ Depositphotos

Спортскиот медиум „Атлетик“, објави ранг-листа на дресовите на сите 48 репрезентации учеснички на Светското првенство.

Дресовите се рангирани од најубавите до најгрдите, а хрватските навивачи нема да бидат воодушевени бидејќи дресот на репрезентацијата е на последното, 48-мо место.

Погледнете ја целата листа ТУКА.

„Атлетик“, понуди кратко објаснување за секоја репрезентација, а американскиот медиум пишува дека „Најки“, овој пат утнал со препознатливите хрватски коцки.

„За жал. Хмм. Не. Разбирливо е искушението да се игра со веќе воспоставен дизајн, но играњето со иконските хрватски коцки е одење по јаже, а „Најки“, за жал, не успеа со овој дрес. За почеток, квадратите се премногу мали, и тоа пред да стигнеме до таа глупава бела област во средината. Изгледа како некој да се обидел да го уреди дресот на мобилен телефон, да ја обоил половината во бело, а потоа да се откажал затоа што му здодеало“.

За најубав дрес на првенството беше прогласен дресот на репрезентацијата на Гана. Дресот, „Атлетик“ особено го пофали за неговиот впечатлив дизајн инспириран од кенте, традиционална рачно ткаена ткаенина од Гана.

Веднаш зад Гана се Бразил, Англија и Германија, чии дресови се опишани како исклучително успешни комбинации на традиција, ретро елементи и препознатлив национален идентитет.

Foto/ EPA