Кошаркарите на Сан Антонио, втор пат во последните 10 дена, успеаја да забележат победа во дуелот со шампионот Оклахома. Изминатата ноќа, Сан Антонио убедливо ги победи Тандер со 130:110.

Сан Антонио фатија ритам, ја забележаа седмата победа во последните осум натпревари. Единствениот пораз во таа серија беше оној во финалето на Купот против Њујорк во Лас Вегас.

Спарс до победата ги предводеа Келдон Џонсон со 25 поени, Стефон Касл со 24 и Харисон Барнс кој го заврши натпреварот со 20 поени. Потфрли Виктор Вембањама само 12 поени, пет скока и три асистенции.

За Оклахома, која го претрпе четвртиот пораз оваа сезона, актуелниот МВП Шеј Гилџис-Александер беше убедливо најпродуктивен со 33 поени, но немаше најдобра поддршка од повеќето соиграчи.

Чет Холмгрен придонесе со само седум поени (3/10 од поле).

Џејлен Вилијамс беше втор стрелец во тимот со 17 поени, додека Лугуренц Дорт даде 15.

По серија одлични резултати, 14 победи во 17 натпревари, Сан Анонио се проби на второто место на табелата во Западната конференција. Оклахома е лидер на Западот и воопшто во лигата, но Тандер загубија три од последните пет натпревари. Пред тоа, тие имаа скор од 24-1.

Ова беше и најтешкиот пораз на шампионот и првиот двоцифрен пораз.

Foto/ EPA

Ливерпул се соочува со сериозен проблем во нападот по повредата на Александар Исак. Повредата ги наруши плановите на тренерскиот штаб во клучниот дел од сезоната.

Шведскиот напаѓач заработи сериозна повреда, а првите проценки укажуваат дека ќе биде надвор од терените подолг временски период.

Клубот од „Енфилд“ е принуден брзо да реагира и да најде краткорочно решение кое би го покрило отсуството на Исак.

Според ексклузивни информации од Англија, Ливерпул веќе активно го истражува пазарот и ги разгледува достапните опции. Идејата е јасна, да се доведе играч кој веднаш може да игра и да му помогне на тимот без долгорочни обврски.

Во овој контекст, две имиња се издвоија како најреални опции за зимскиот преоден рок.

Првата е Мемфис Депај, искусен холандски репрезентативец кој во моментов е отворен за краткорочен ангажман.

Дополнителен плус е фактот дека Депај има добри односи со голем број играчи од соблекувалната на Ливерпул.

Второто име на листата е Александар Серлот, напаѓач на Атлетико Мадрид кој е во одлична форма.

Иако е важен дел од тимот на Диего Симеоне, Серлот се разгледува како опција за позајмица до крајот на сезоната. Ливерпул верува дека таков договор би можел да се реализира доколку финансиските и спортските услови се совпаднат.

Тренерскиот штаб сака напаѓач кој може брзо да се вклопи во системот и на крајот да ја преземе одговорноста.

Акцентот е на искуството и физичката подготвеност, со оглед на густиот распоред и борбата на неколку фронтови. Одлуката за евентуалното доаѓање на еден од овие двајца напаѓачи треба да се донесе во наредните недели.

Foto/ depositphotos

Првиот пик на драфтот во 2025 година, Купер Флег ФЛАГ одигра еден од најдобрите натпревари откако пристигна во НБА, а неговите Далас Маверикс ги победија Денвер Нагетс со 131:130.

Купер го заврши натпреварот со учинок од 33 поени, девет скока и девет асистенции. Тој исто така постигна четири тројки, што е негов рекорд во кариерата во најсилната кошаркарска лига во светот.

Ентони Дејвис беше одличен за Далас со 31 поен и девет скока во дуелот против Никола Јокиќ. Српскиот центар на Денвер одговори со 29 поени, седум скока и 14 асистенции.

Џамал Мареј исто така беше одличен со 31 поен, а со седум тројки и вкупно 23 поени се истакна и поранешниот играч на Далас, Тим Хардавеј Џуниор.

Во Далас заврши усшешната серија на Денвер кога станува збор за гостувањата. Пред овој, тие победија во 11 од претходните натпревари на гостински терен.

Нагетс, кои губеа со 50:29 на почетокот на втората четвртина, го презедоа водството на почетокот на четвртата четвртина, а во луда завршница имаа и шут за победа, но обидот за три поени на Пејтон Вотсон од левиот агол остана на обрачот.

Payton Watson in and out lmaooooo 😭😭 pic.twitter.com/JvT0rbAcyM

— Shabazz 💫 (@ShowCaseShabazz) December 24, 2025

Резултати:

Филаделфија – Бруклин 106:114
/Ембид 27 – Портер 28/

Шарлот – Вашингтон 126:109
/Бол 23 – Мидлтон 16/

Индијана – Милвоки 94:111
/МекКонел 16 – Портер 24/

Кливленд – Њу Орлеанс 141:118
/Мичел 27 – Вилијамсон 26/

Мајами – Торонто 91:112
/Хекез 21 – Барнс 27/

Атланта – Чикаго 123:126
/Џонсон 24 – Вајт 24/

Минесота – Њујорк 115:104
/Едвардс 38 – Таунс 40/

Сан Антонио – Оклахома 130:110
/Џонсон 25 – Гилџис-Александер 33/

Јута – Мемфис 128:137
/Филиповски 25 – Алдама 37/

Финикс – ЛА Лејкерс 132:108
/Брукс 25 – Џејмс 23/

Портланд – Орландо 106:110
/Авдија 25 – Бејн 23/

Сакраменто – Детроит 127:136
/ДеРозан 37 – Харис 24/

ЛА Клиперс – Хјустон 128:108
/Ленард 41 – Дурант 22/