Првите натпревари од осмина-финалето на Лигата на шампионите ќе се играат во следните два дена, а дерби-натпреварот ќе се одигра вечерва помеѓу мадридските клубови Реал и Атлетико.

Реал Мадрид групната фаза од Лигата на шампионите ја заврши на 11. место на табелата со 15 бода поради што мораше да игра бараж за пласман во осмина-финалето. Тимот на Карло Анчелоти го победи Манчестер сити во два меча во баражот за осмина-финалето на Лигата на шампионите (3:2, 3:1).

Атлетико групната фаза од Лигата на шампионите ја заврши на петтото место на табелата со 18 бода и избори директен пласман во осмина-финалето.

Вчера, двајцата тренери одржаа прес-конференции. Карло Анчелоти и Диего Симеоне си поделија комплименти и најавија дека нивна цел е пласман меѓу најдобрите осум екипи во Европа.

Поголеми кадровски проблеми има Карло Анчелоти. Познато е дека сезоната е завршена за Дани Карвахал и за Едер Милитао, а вечерашниот дуел ќе го пропушти Џуд Белингем поради жолти картони и Дани Себаљос поради повреда. Диего Симеоне ќе го составува тимот без повредените Коке и Цесар Аспиликуета.

Интересно, Реал нема победа над Атлетико во последните седум натпревари.

Лига на шампиони, осмина-финале,

Вторник:

Клуб Бриж – Астон Вила 18.45 часот
Борусија Дортмунд 21 часот
ПСВ – Арсенал 21 часот
Реал Мадрид – Атлетико Мадрид 21 часот

Среда::

Феенорд – Интер 18.45 часот
Баерн – Баер Леверкузен 21 часот
Бенфика – Барселона 21 часот
ПСЖ – Ливерпул 21 часот

Колекционерите на спортски реквизити, имаат можност да наддаваат за патиките на Новак Ѓоковиќ, направени во чест на Ѓоковиќ кога го собори рекордот на Роџер Федерер од 310 недели на првото место на АТП листата.

Патиките, произведени од компанијата за спортска опрема „Асикс“, се огласени на веб-страницата на аукциската куќа „Катавики“, а почетната цена за овој артикл наречен „311 недели бр.1“ е 1.500 евра.

Експертите на аукциската куќа проценуваат дека патиките ќе достигнат цена меѓу 5.000 и 15.000 евра.

„Оваа аукција им нуди можност на спортските љубители да купат автентично парче историја. Овој пар патики никогаш не е е носен, тоа не е само сувенир, туку неверојатен дел од историјата. На овој начин сакаме да ја прославиме годишнината на еден од рекордите на легендарниот Ѓоковиќ”, изјави Ана Марија Кровиг.

Во светот има само три пара од овие патики, кои претходно ги продаваше производителот „Асикс“, а сите три беа потпишани од Ѓоковиќ. Еден пар е во сопственост на Ѓоковиќ, а од останатите два, еден сега е ставен на јавно наддавање.

Патиките се нови, никогаш не носени, се чуваат во посебна кутија и немаат конкретен број бидејќи се направени по мерка за да одговараат на стапалото на Ѓоковиќ.

Повод за продажбата е четиригодишнината од рекордот на Ѓоковиќ, кој го собори на 8. март 2021 година, а лицитацијата трае до 11 март.

Кајри Ирвинг се здоби со повреда на левото колено за време на натпреварот Далас Маверикс-Сакраменто Кингс и прашање е колку долго ќе отсуствува. Пред да го напушти паркетот, тој направи потег кој беше поздравен од навивачите кои го скандираа неговото име, а Далас Маверикс го опишаа како „дефиниција на силата“.

Во турбулентната сезона на Маверикс, во која тимот од Тексас остана без лидерот Лука Дончиќ, сега играч на ЛА Лејкерс, Ирвинг требаше да биде тој што ќе се погрижи заминувањето на Словенецот да мине безболно.

Левото колено Ирвинг го повреди во една акција при резултат 23:16 за Кингс во првата четвртина. За време на нападот дојде до контакт помеѓу Ирвинг и Демар Дерозан, поради што ѕвездата на Далас изгуби рамнотежа.

Ирвинг чекаше помош за да ја напушти играта. Она што ги воодушеви присутните во салата и на социјалните мрежи се случи неколку моменти подоцна. Со помош на две лица, Ирвинг со куцање се врати на теренот за да ги изведе слободните фрлања.

Публиката стана, го скандираше неговото име. Ирвинг мораше да ги изведе за да има шанса да се врати на теренот подоцна во натпреварот доколку се укаже прилика.

Ирвинг ја започна својата кариера во 2011 година како прв пик на Кливленд Кавалирс. Во клубот со кој го освои шампионскиот прстен во 2016 година остана до 2017 година, а потоа настапуваше за Бостон Селтикс и Бруклин Нетс. Во Далас е од 2023 година, а сезонава игра со просек од 24,7 поени, 4,8 скока и 4,6 асистенции по натпревар.

Натпреварот заврши со убедлива победа на кралевите кои во еден момент имаа и 32 поени предност. Ги предводеа Зак ЛаВин со 22 поени и Дерозан со 20.

Најмногу поени за Далас постигна Каи Џонс, 24-годишниот кошаркар од Бахамите, кој во понеделникот потпиша двонасочен договор со клубот.