Спорт
Фетел: Мојата иднина во Ф1 зависи од развојот на Астон Мартин

Четирикратниот шампион во Формула 1, Себастијан Фетел, вели дека неговата иднина зависи од развојот на неговиот тим, Астон Мартин.
„Вистината е дека следните трки, следните недели и месеци ќе одредат како ќе се развива мојата иднина“, изјави Фетел за германската телевизија „АРД“.
„Врнеше дожд на последната трка во Италија и успеавме да ја искористиме предноста“, додаде поранешниот Ф1 првак.
34-годишниот Германец ги пропушти првите две трки оваа сезона поради коронавирус.
„Ситуацијата нема да биде иста секој викенд, но мислам дека ќе биде нормално да бидеме поназад во поредокот. Тешко е затоа што тоа не е ниту мој пристап, ниту цел. Но, сепак се забележува дека тимот напредува. Формула 1 беше нешто што ме возбудуваше во последните години, но има и други работи во животот“, изјави Себастијан Фетел, кој освои четири титули со тимот на Ред Бул во периодот од 2010 до 2013 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лидс извиси, Паишао се сели во Марсеј

Фудбалерот на Феенорд, Игор Паишао, е блиску до трансфер во Олимпик Марсеј, кој постигна договор за обештетување со холандскиот клуб.
На овој начин, францускиот клуб ја доби трката со Лидс јунајтед за потписот на бразилскиот фудбалер. Паишао доби дозвола да отпатува во Марсеј на лекарски прегледи. Претходно, „Екип“ објави дека Марсеј подготвил нова понуда за овој играч, додека Лидс се обидел да го грабне испраќајќи понуда вредна 32 милиони евра.
Феенорд претходно одби две понуди од Марсеј, првата од 16 милиони евра и втората од 28 милиони евра. Феенорд ја прифати третата понуда од 35 милиони евра.
Марсеј претходно ги доведе Анхел Гомес од Лил, како и Си Џеј Еган-Рајли од Барнли и Факундо Медина од Ленс.
Во меѓувреме, враќањето на напаѓачот Пјер-Емерик Обамејанг во клубот се очекува да се случи во наредните денови.
Паишао одигра 47 натпревари за Феенорд минатата сезона со 18 гола и 14 асистенции. Неговата примарна позиција е лево крило, но може да игра и како офанзивен играч од средниот ред.
Тој пристигна во Холандија во летото 2022 година, а претходно играше за Коритиба и неговиот матичен клуб Лондрина.
Фото/ Принскрин
Спорт
Родриго го одбил Тотенхем

Челниците на Тотенхем побарале и добиле дозвола од Реал Мадрид да отворат преговори со крилниот напаѓач Родриго. Бразилецот е отворен за сорабптак со друг клуб, но Тотенхем не е во неговите планови.
Актуелниот освојувач на Лига Европа сакаше да ја искористи можноста и да донесе капитално засилување пред да се врати во Лигата на шампионите по три години, но веднаш стана јасно дека ништо нема да произлезе од тоа.
Шпанскиот инсајдер Санти Ауна ја информираше јавноста дека Тотенхем се распрашувале за неговата цена, а потоа брзо се отрезниле. Поранешниот играч на Сантос сака да се докаже во „поголем клуб од Тотенхем“.
Од почетокот на преодниот рок се споменуваше дека следната станица во кариерата на крилниот напаѓач би можеле да бидат Арсенал и Ливерпул, кои, со заминувањето на Дијаз во Баерн, ослободија место на позицијата лево крило ги обезбедија потребните пари за 24-годишникот од Сао Паоло.
Родриго пристигна во „кралскиот клуб“ од својата татковина во 2019 година, во трансфер вреден 45.000.000 евра. Оттогаш, во 270 настапи, постигна 68 гола и забележа 51 асистенција. Освои две Лиги на шампиони, како и три титули во шпанското првенство.
Foto/ „X“
Спорт
Салиба нема да го напушти Лондон

Дефанзивецот на Арсенал, Вилијам Салиба, изјави дека би сакал да остане на „Емирејтс“ и следната сезона.
Арсенал успеа да го продолжи договорот со партнерот на Салиба, Габриел Магаљаеш, кој и понатаму ќе биде во тимот предводен од Микаел Артета од клупата.
Салиба по победата на Арсенал над Њукасл како дел од подготвителниот натпревар пред новата сезона рече.
„Да, се надевам. Секако, во моментов нема конкретни преговори, но има добра комуникација помеѓу мојот менаџер и клубот. Ќе видиме“.
Салиба ја започна својата кариера во Сент Етјен, а потоа се пресели во Арсенал во 2019 година, но ги помина следните три години на позајмица во Сент Етјен, Ница и Марсеј.
Фото/ Принскрин