Спорт
Фетел со песна се збогуваше со Ферари, но призна дека се надева дека бргу ќе ја заборави 2020

Последната трка на Себастијан Фетел за Ферари наликуваше на целата последна сезона со италијанскиот тим – разочарувачка и фрустрирачка. Од следната сезона, четирикратниот шампион, кој призна дека престојот во Скудерија на крајот бил „неуспех“ поради недостатокот на титула, ќе биде во преименуваниот Астон Мартин тим (сегашни Рејсинг поинт), додека неговото место ќе го преземе Карлос Саинс Јуниор од Мекларен.
„Оваа сезона секако беше многу лоша поради многу причини, и среќен сум што можам бргу да ја ставам во минатото“, изјави Фетел по последната трка, иако по крајот ја испеа навивачката песна на Ферари на италијански јазик.
Во Абу Даби, тимот реши да не влегува во боксот за време на виртуелното безбедносно возило, и тој остана во топ 10 заедно со колегата Шарл Леклер некое време, но на крајот мораа да се задоволат со 13. и 14. место.
„Денот беше посебен и ќе се сеќавам на него, но не и на трката. На моментите со механичарите со кои поминав шест години од мојот живот. Тие ќе ми недостасуваат, вакви трки не“, признава Фетел.
Che regalo da parte di #Seb5 ? ?#GrazieSeb, we’re crying ?#essereFerrari ? #AbuDhabiGP pic.twitter.com/GQWngh1BBb
— Scuderia Ferrari (@ScuderiaFerrari) December 13, 2020
Yarışın ardından hem duygusal hem de keyifli görünen Vettel, ekibe bira dağıtırken kameralara yakalandı ?pic.twitter.com/K5lFnTXAkr
— Motorsport Türkiye ?? #AbuDhabiGP ?? (@Motorsport_TR) December 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.