Роберт Левандовски го постигна својот 22. гол во 17 кола во германската Бундеслига за Баерн Минхен да стигне до 1:0 победа на гостувањето кај 50 километри оддалечениот баварски ривал Аугзбург и да го заддржи првото место и предноста од четири поени пред РБ Лајпциг, кои исто така минимално со 1:0 ги победија Унион Берлин.

Полјакот доби совршена шанса да го постигне својот неверојатен 22. гол во 13. минута кога Баерн доби пенал, и тој не згреши од белата точка. Домаќините, пак, имаа шанса да вратат со иста мерка во 77. минута кога беше досуден пенал по играта со рака на Бенжамин Павар, но Алфред Финбогасен ја погоди само стативата.

РБ Лајпциг славеше со 1:0 против Унион благодарение на голот на Емил Форсберг во 70-тата минута за да останат втори со 35 поени, четири помалку од Баерн. Арминија Билефелд, пак, излезе од зоната за испаѓање по 3:0 победата над Штутгарт, додека Фрајбург и Ајнтрахт одиграа 2:2.

БУНДЕСЛИГА, 17.КОЛО

Аугзбург – Баерн Минхен 0:1

Арминија Билефелд – Штутгарт 3:0

Фрајбург – Ајнтрахт Франкфурт 2:2

РБ Лајпциг – Унион Берлин 1:0

Норвешка во драматичен меч, успеа да ги совлада Португалците со 29:28 (16:14) за да си ги зголеми шансите за четврт-финале, откако во текот на целиот меч имаа предност, но противникот до крајот го остави мечот неизвесен.

Норвежаните имаа и +4 во второто полувреме (22:18), но на крајот се играше гол-за-гол, и скандинавците победија благодарение на шесте гола на Сандер Сагосен, и петте на Рендал и Раинкинд.

Во меч од нашата група, Белорусија пропушти голема предност од првото полувреме за да одигра 26:26 со Шведска. Ова беше прво реми за Шведска и второ за Белорусија на Мундијалот. Хампус Ване уфрли седум голови, Алфред Јонсон имаше шест, додека кај Белорусија Никита Милипау и Андреј Јуриниок имаа по шест гола.

СП ЕГИПЕТ, ВТОРА РУНДА

ГРУПА 3

Швајцарија – Исланд 20:18 (10:9)

Франција – Алжир 29:26 (16:14)

Португалија – Норвешка 28:29 (14:16)

Табела: 1.Франција 6, 2.Норвешка 4, 3.Португалија 4, 4.Исланд 2, 5.Швајцарија 2, 6.Алжир 0

ГРУПА 4

Македонија – Словенија 21:31 (9:13)

Русија – Египет 23:28 (8:15)

Шведска – Белорусија 26:26 (11:15)

Табела: 1.Шведска 5, 2.Словенија 4, 3.Египет 4, 4.Русија 3 5.Белорусија 2+, 6.Македонија 0

Светскиот рекет број 1, Новак Ѓоковиќ, со отворено писмо до претседателот на Австралија опен, Крег Тајли, објавено на Твитер се бранеше по критиките кои ги доби за наводната „листа на желби“ кои ги имал за настап на турнирот.

Претходно, Ѓоковиќ достави листа „совети“ до организаторите на првиот гренд слем во 2021, вклучувајќи дозвола за посета на тренерот, или „преселба“ на што е можно повеќе тенисери кај приватни жители на Австралија со тениски терени. Ова доаѓа откако Ѓоковиќ, како и сите тенисери кои ќе учествуваат на турнирот, се во 14-дневен карантин во Аделаида.

Во писмото, Ѓоковиќ вели дека имал добри намери и дека не сакал да испадне „себичен, тежок и неблагодарен“.

„Тоа е многу далеку од вистината. Јас искрено се грижам за моите колеги, а исто така сфаќам како функционира светот и кој станува поголем и зошто. Затоа ја користам мојата привлегирана позиција да помогнам каде што е потребно“, вели Ѓоковиќ.

Премиерот на провинцијата Викторија, Даниел Ендруз вчера го коментираше Ѓоковиќ со една реченица: „Одговорот е НЕ!“.

pic.twitter.com/A6r9BKWENg

— Novak Djokovic (@DjokerNole) January 20, 2021