Манчестер јунајтед и со новиот тренер не игра добро. Вчера, доживеа тежок пораз на домашен терен од Борнмут (0:3). Јасно е дека Рубен Аморим тешко може да направи нешто со играч кои не ги селектирал. Јунајтед ќе бидат активни ви јануарскиот преоден рок. Шпанците тврдат дека можен е трансферот на Лука Сучиќ од Реал Сосиедад.

„Лука Сучиќ стана едно од имињата на сезоната во шпанското првенство. Хрватскиот играч за врска, кој минатото лето дојде во Реал Сосиедад за 10 милиони евра, се истакна со техничките квалитети, прегледот на играта и карактеристиките кои не останаа незабележани Манчестер јунајтед“, пишува „Фихајес“ во текстот под наслов „Манчестер јунајтед ја сака ѕвездата на Реал Сосиедад“.

Хрватскиот репрезентативец во текстот е опишан како ѕвезда на клубот и наведува дека придонесот во играта на Сосиедад е добар.

„Неговата способност да доминира во средниот ред и да придонесе и за нападот и за одбраната го направи клучен играч во шемите на Иманол Алгуасил. Неговата младост и просторот за напредок го прават уште попривлечен за елитните европски клубови“, се додава во текстот.

Според „Фихајес“, Јунајтед во Сучиќ гледаат долгорочно решение за тимот кој ќе доживее сериозна реконструкција.

Според овој извор шпанскиот клуб „не е познат по тоа што лесно се откажува од своите ѕвезди“, но дека понудата на Јунајтед може да биде таква што ќе биде тешко да се одбие.

Се посочува дека тоа би можело да биде околу 40 милиони евра. Сучиќ оваа сезона одигра 17 натпревари за Реал Сосиедад. Тој постигна еден гол и забележа една асистенција. Со клубот има договор до летото 2029 година.

Хасус Навас (39), легенда на Севилја и шпанскиот фудбал, стави крај на спектакуларната кариера. Настапот на десниот бек во поразот од Реал Мадрид (4:2) во 18. коло од Ла Лига беше негов 704-ти и последен за неговиот матичен клуб. Навас во Севиља помина вкупно 19 години во два мандати.

Навас во Севилја играше од 2001 до 2013 година, кога замина во Манчестер сити за 20 милиони евра, а по враќањето од Англија во 2017 до вчера го носеше дресот на клубот од „Рамон Санчез Писхуан“ стадионот.

Навас во пензија замина како фудбалер со најмногу освоени трофеи во клупската историја. Го освои Купот на УЕФА/Лигата на Европа четири пати и Купот на кралот двапати. Во кариерата постигна 39 голови и забележа 119 асистенции.

За Шпанија одигра 56 натпревари, постигна 5 гола и 11 асистенции. Со репрезентацијата ги освои СП 2010 и ЕП 2012 и 2024.

Фудбалерите на Реал Мадрид пред натпреварот направија шпалир на теренот на „Сантијаго Бернабеу“ во чест на великанот и му аплаудираа кога минуваше низ него. Доби аплаузи од навивачите.

Qué momento espectacular en el Bernabeu. Los futbolistas del Real Madrid le hacen pasillo a Jesús Navas.

El Bernabeu aplaude de pie. Y al final, Modric le regala una camiseta firmada por todos sus compañeros.

Honor a quien honor merece.

pic.twitter.com/C8UGQIQeow

— Juez Central (@Juezcentral) December 22, 2024

Потоа Лука Модриќ му подари дрес на Реал потпишан од сите играчи. По натпреварот, Модриќ на социјалните мрежи му оддаде почит на својот врсник против кого толку пати играше за Реал и Хрватска.

„Честитки за спектакуларната кариера. Твојата Севилја и шпанскиот фудбал никогаш нема да заборават се што направи. Ги заслужи симпатиите на целиот фудбалски свет. Ти посакувам се најдобро во ова ново поглавје од твојот живот.”

Enhorabuena por tu espectacular carrera. Tu Sevilla y el fútbol español nunca olvidarán todo lo que has hecho. Te llevas el cariño de todo el mundo del fútbol. Te deseo lo mejor en tu nueva etapa. 🤝⚽️ pic.twitter.com/90XYh0YPwK

— Luka Modrić (@lukamodric10) December 22, 2024

Денвер Нагетс по продолжението славеа во Њу Орлеанс со 132:129 (28:29, 31:38, 22:26, 38:26, 13:10).

Никола Јокиќ, го предводеше Денвер со 141. трипл-дабл в кариерата. Српскиот центар забележа 27 поени, 13 скока и 10 асистенции.

Денвер губеше во текот на целиот натпревар, во еден момент од третата четвртина со дури 17 поени разлика, но последната четвртина беше онаа во која Нагетс се вратија во мечот со возења од 7:0, а потоа 9:0 , Денвер целосно се врати во натпреварот. Њу Орлеанс водеше до самиот крај на натпреварот, но Џамал Мареј на осум секунди до крајот избори продолженија.

Јокиќ потоа ги постигна првите шест поени од продолжението и му асистираше на Арон Гордон за водство од 129:125, со што Нагетс ја обезбедија победата.

Џамал Мареј забележа 27 поени, осум скока, четири асистенции и три украдени топки, Расел Вестбрук 21 поен, пет скока, пет асистенции и три украдени топки, а Арон Гордон со 17 поени и осум скока.

Најефикасен кај тимот на Њу Орлеанс беше Џордан Хокинс со 25 поени.

Си Џеј МекКолум додаде 24 поени, девет асистенции и шест скока, Ев Миси имаше 21 поен и девет скока, а Треј Марфи 21 поен и осум скока.