Манчестер Јунајтед сè уште талка на почетокот од новата сезона, а тренерот Рубен Аморим останува доследен на својата филозофија на играта, иако е под сериозен притисок од јавноста и навивачите.

Серијата лоши резултати дополнително ги зголеми критиките кон португалскиот стручњак, а повеќето полемики се однесуваат на неговата одлука да не отстапи од формацијата со тројца во последната линија, односно формацијата 4-3-3.

И покрај сè погласните барања да се промени нешто, Аморим е категоричен.

„Не, не, не. Никој не може да ме натера да го направам тоа, дури ни поп“, рече тренерот на Јунајтед, нагласувајќи дека стои зад своите одлуки.

Јунајтед ја започна сезоната лошо – освоија само четири бода од првите четири кола, а вечерва од 18.30 часот го играат дербито против Челзи.

Foto/ EPA

Луис Хамилтон, ѕвездата на Ферари и најуспешниот возач на Формула 1 на сите времиња, откри како се ослободил од својата колекција автомобили вредна повеќе милиони евра и се свртел кон нова страст, уметноста.

Седумкратниот светски шампион и рекордер со 105 победи им го потврди ова на новинарите во Баку во пресрет на Големата награда на Азербејџан, пишува „GrandPrix247“.

40-годишниот Британец потврди дека неговата гаража, која некогаш содржеше ретки примероци на Ферари, Мерцедеси и Мекларени, сега е празна.

„Веќе немам автомобили. Се ослободив од сите мои автомобили, сега повеќе ме интересира уметноста. Ако требаше да купам автомобил, тоа би бил Ферари Ф40. Но, тоа е прекрасно уметничко дело“, рече Хамилтон.

Хамилтон беше фотографиран веднаш до Ф40 на тест-патеката на Ферари во Фиорано во јануари, кога се приклучи на италијанскиот тим. Како долгогодишен еколог и веган, Хамилтон почна да ја намалува својата колекција уште во 2019 година, продавајќи го својот приватен авион и преминувајќи на електрични модели.

„Го возам само мојот електричен Mercedes EQC“, рече тој во 2020 година.

Лионел Меси (38) ќе го заврши својот договор со Интер Мајами на крајот од оваа година, потпишан во летото 2023 година. „Мајами Хералд“ пишува дека сега „по долги преговори, кои се влечеа во последните неколку месеци, Интер Мајами и аргентинската легенда се согласија за условите на нов, повеќегодишен договор“ и додава: „Тоа ќе биде последниот договор во кариерата на Меси, а објавата се очекува за десет дена“.

„Мајами Хералд“, наведува дека платата на Меси по сезона е 20,45 милиони долари, но дека вкупната вредност на неговиот тековен договор е од 130 до 150 милиони долари.

„Тоа вклучува и удел во клубот откако ќе ја заврши кариерата“, додава „Мајами Хералд“ и објаснува дека ангажманот на Аргентинецот во клупската каса слеал многу пари.

„Пред доаѓањето на Меси, Интер Мајами имаше годишен приход помеѓу 50 и 60 милиони долари. Откако дојде Меси, веќе по само половина од неговата прва година во клубот,приходите беа помеѓу 120 и 130 милиони долари. За оваа година, проекцијата е дека приход ќе биде околу 300 милиони долари.

Цените на билетите за домашните и гостинските натпревари на Мајами, спонзорските договори и продажбата на дресови и сувенири, сето тоа доживеа невиден раст откако Меси дојде во Америка.“ Меси постигна 62 гола и забележа 30 асистенции во 75 настапи за Мајами.

Слична проекција има и „ESPN“. Овој медиум наведува дека Меси има годишна плата од 20,45 милиони долари, но дека ова е само дел од неговата вкупна заработка, која медиумот ја проценува на 150 милиони долари за две и пол години.

„Голем дел од оваа сума покрива „Apple“ бидејќи гигантот што ги има телевизиските права за натпреварите од МЛС според договорот со Меси му плаќа дел од заработката“.