Спорт
ФИФА ги објави кандидатите за наградата The Best
Светската фудбалска федерација (ФИФА), денес, ги објави скратените листи на фудбалери, голмани и тренери што се номинирани за престижната награда The Best.
Минатата година оваа награда шести пат во кариерата ја доби Лионел Меси. Оваа година главен фаворит е Роберт Левандовски, кој со Баерн ја освои „триплета“.
Покрај Левандовски, во потесниот круг за наградата е и неговиот поранешен соиграч Тијаго Алкантара, потоа тројката од Ливерпул: Садио Мане, Мохамед Салах и Вирџил ван Дајк, капитенот на Реал, Серхио Рамос, двоецот од ПСЖ – Нејмар и Килијан Мбапе, најдобриот фудбалер на Манчетер сити, Кевин де Брујне, и двајцата играчи што доминираат во последните 15 години во светскиот фудбал – Лионел Меси и Кристијано Роналдо.
? Nominees: #TheBest FIFA Men’s Player
?? Thiago Alcântara
?? Cristiano Ronaldo
?? Kevin De Bruyne
?? Robert Lewandowski
?? Sadio Mane
?? Kylian Mbappe
?? Lionel Messi
?? Neymar
?? Sergio Ramos
?? Mohamed Salah
?? Virgil van Dijkℹ️?️ https://t.co/fqPa5jbedh pic.twitter.com/nLcUjmdQrd
— FIFA.com (@FIFAcom) November 25, 2020
Во категоријата најдобар тренер ФИФА ги номинира Зинедин Зидан (Реал Мадрид), Марсело Бјелса (Лидс јунајтед), Ханси Флик (Баерн Минхен), Хулен Лопетеги (Севилја) и Јирген Клоп (Ливерпул).
? Nominees: #TheBest FIFA Men’s Coach
?? Marcelo Bielsa
?? Hans-Dieter Flick
?? Jürgen Klopp
?? Julen Lopetegui
?? Zinedine Zidane?️ VOTE NOW ? https://t.co/G9cyA5WguD pic.twitter.com/At0QAsr3Fn
— FIFA.com (@FIFAcom) November 25, 2020
Кога станува збор за голманите, кандидати се: Алисон Бекер (Ливерпул), Јан Облак (Атлетико Мадрид), Тибо Куртоа (Реал Мадрид), Кејлор Навас (ПСЖ), Марк-Андре тер Штеген (Барселона) и Мануел Ноер (Баерн Минхен).
? Nominees: #TheBest FIFA Men’s Goalkeeper
?? Alisson Becker
?? Thibaut Courtois
?? Keylor Navas
?? Manuel Neuer
?? Jan Oblak
?? Marc-André ter Stegen?️ VOTE NOW ? https://t.co/99eL6U54eK pic.twitter.com/CqCyPeMbAO
— FIFA.com (@FIFAcom) November 25, 2020
Навивачите за предлозите на ФИФА ќе може да гласаат до 9 декември. Финалистите во секоја категорија ФИФА ќе ги соопшти на 11 декември.
Наградите на виртуелна церемонија ќе бидат доделени на 17 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

