Калчолигашот Интер повторно има многу мака да стигна до бодови во Серија А. Водеше со 2-1 се до 86 минута во „градот на љубовта“, против Верона, но на крај мораше да се задоволи само со бод, мечот заврши 2-2.

Студен туш за „нероазурите“ уште незагреани. Во втората минута, Данко Лазовиќ се проби по левата страна, го издрибла Шкрињар и биеше од мртов агол крај немоќниот Хандановиќ.

До крајот на полувремето двете екипи имаа по неколку прецизни удари, но мрежите мируваа.

На полувремето Конте имал што да им каже на своите играчи, па веднаш по судискиот свиреж, играчите во „сино-црна“ комбинација тргнаа фуриозно кон голот на Силвестри.

И тоа вроди со плод. По една мешаница, во 49 минута, во шеснаесетникот на Верона, најпрво Лукаку биеше во стативата, па Кандрева ја смести топката во мрежата.

Само 6 минути подоцна, Интер прави целосен пресврт, помалку среќно. На една нафрлена топка од десната страна, Димарко интервенираше неспретно и топката ја сврте зад грбот на својот голман за 1-2 на семафорот.

По водството, Интер „нагази“ на топката, ги неутрализираше сите напади и кога се чинеше дека бодовите ќе патуваат за Милано, Велосо со шут од срцето на казнениот простор во 86 минута погоди за 2-2

Сега Интер е дури четврти на табелата, на -10 од лидерот Јувентус, на -3 од второпласираниот Лацио и на -1 зад третопласираната Аталанта

Верона, пак, останува на деветтата позиција, без поголеми шанси да се вмеша во борбата за излез во фудбалска Европа.

Манчестер Јунајтед вечерва покажа класа против Астон Вила. На „Вила парк“ со 3 гола ги собра трите бода, 0-3 беше по последниот свиреж.

Иако првиот гол „ѓаволите“ е спорен, затоа што останува недоумицата дали навистина имаше пенал за Јунајтед. Сепак, тоа не му пречеше воопшто на Фернандеш во 27 минута да го испрати Пепе Реина на една страна, а топката да ја смести на другата за 0-1.

Последните мигови од првиот дел, кога сите очекуваа судијата да отсвири пауза, Гринвуд со прецизен и силен удар од 16 метри биеше неодбранливо за 0-2.

Во вториот дел играта на Астон Вила беше налик на првото полувреме, само еден упатен удар директно кон Де Хеа.

Точка на мечот стави Погба откако доби скратена топка, од Фернандеш, од корнер, па се намести и од 16-тина метри биеше неодбранливо за 0-3.

Со овие 3 поени, Јунајтед дојде на само 1 бод негатива од четвртопласираниот Лестер и -2 од Челси кој е на третата позиција. „Ѓаволите“ ќе чекаат кикс на конкурентите за пласман на позиција кја носи во ЛШ.

Астон Вила пак остана претпоследна на табелата, со 27 бода, дури четири помалку од Ватфорд кој во моментов е над линијата.

Екипата на Мајорка освои многу важни три бода во борбата за опстанок против екипата на Леванте која е безбедна на средината на табелата во Ла лига.

Мечот заврши со резултат 2-0. Кај домаќините мечот од клупата за резерви го проследи македонскиот репрезентативец, Александар Трајковски, а кај гостите од Валенсија сите 90 минути ги одигра неговиот колега од селекцијата, Енис Барди.

Првиот гол за Мајорка го постигна Чучо во 40 минута, а печат на победата стави Кубо во 84 минута.

Со овие 3 бода Мајорка се доближи на само три поени од позиција која носи опстанок во елитното друштво (над нив е Алавес), а Леванте е на 12-тата позиција без можност за прогрес на табелата.

Во истиот термин својот меч го одиграа Еибар и Леганес, крајниот резултат беше 0-0.

Двете екипи се се уште во опасност од преселба во понизок ранг, ова особено се однесува за Леганес кој има теоретски шанси и следната сезона да настапува во прва лига.