Спорт
ФИФА: Роботи ќе ги заменат помошните судии

ФИФА од Светското првенство во Катар планира да воведе револуционерна промена во фудбалската игра. Директорот за технологии во ФИФА, Јоханес Холцмилер, рекол дека роботи би можеле да ги заменат линиските судии на СП во 2022 година.
Според Холцмилер, револуционерниот систем кој бил тестиран минатат година на Светското клупско првенство би требало да биде подготвен за Мундијалот во Катар.
Новиот систем ФИФА има намера да го воведе поради сѐ поголемиот проблем што го имаат судиите со офсајдите. Особено тоа стана очигледно со употребата на ВАР-технологијата.
ФИФА има план крај терените да бидат поставени роботи кои во секој момент би влечеле линии со последниот човек во одбраната. Тие веднаш би го алармирале главниот судија доколку играч би се нашол во недозволена позиција.
„Идејата на овој проект е да се забрза прегледувањето на снимката и да им се олесни работата на ВАР-судиите. Линиите повеќе нема да ги влечат судиите во ВАР-собата, туку тоа ќе го прават роботите. Со оваа технологија ќе биде забрзан целиот процес. Денес линиите за офсајд се влечат откако ќе биде „замрзната“ сликата од ТВ-преносот, но понекогаш ниту на снимка не може да се најде точниот момент кога била упатена топката“, рекол за телевизијата „АРД“ Холцмилер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Раниери ја одби Италија

Клаудио Раниери (73) ја одбил понудата да биде селектор на италијанската репрезентација по заминувањето на Лучијано Спалети (66).
„Му се заблагодарувам на претседателот на Италијанската фудбалска федерација, Габриеле Гравина, за оваа можност. Тоа е голема чест, но по внимателно разгледување, решив целосно да останам на располагање на Рома во мојата нова улога“, рече Раниери.
„Фридкинс (сопствениците на Рома) ми дадоа целосна поддршка за секоја одлука што би ја донел во врска со националниот тим, но ова е исклучиво моја одлука“, додаде Раниери.
Раниери, кој во својата кариера ги водеше Интер, Јувентус, Атлетико Мадрид, Челзи, Лестер, со кого ја освои титулата во англиската Премиер лига во 2016 година, и Монако, неодамна ја презеде улогата на стратешки советник на американските сопственици на Рома.
Минатиот ноември ја прекина пензијата за да ја спаси Рома, која се мачеше во Серија А. Раниери беше фаворит да го наследи Спалети, кој последен пат ја водеше италијанската репрезентација во победата од 2:0 над Молдавија во понеделник.
Спорт
Тудор и следната сезона ќе го предводи Јувентус

Игор Тудор ќе остане тренер на Јувентус и следната сезона. Тудор среде сезоната го замени Тијаго Мота и успеа да го освои четвртото место.
„Одлучивме да ја продолжиме соработката со Игор за Светското клупско првенство, но и за следната сезона, а се надевам и подолго од тоа“, изјави новиот генерален директор на Јувентус, Дамиен Комоли, на својата прва прес-конференција.
Ова е крај на долга сага во која се шпекулираше со иднината на хрвастскиот тренер.
Во март тој потпиша договор до крајот на сезоната, со клаузула дека автоматски ќе биде продолжен за една година доколку избори пласман во Лигата на шампионите.
Во девет натпревари со Јувентус, Тудор постигна пет победи, три нерешени резултати и еден пораз, а неговиот следен тест е Светското клупско првенство овој јуни и јули. Јувентус е во група со Манчестер Сити, Ал Аин и Видад Казабланка.
За потсетување, Тудор помина девет години како играч во Јувентус, додека во сезоната 2020/21 му беше помошник на Андреа Пирло. Потоа, тој ги водеше Верона, Марсеј и Лацио. Претходно во својата кариера, тој двапати ги тренираше Хајдук и Удинезе, а исто така ги водеше и ПАОК, Карабукспор и Галатасарај.
Спорт
Кипар ги одби Макаби и Хапоел

Властите на Кипар нема да дозволат израелските клубови да бидат домаќини во нивната земја. Планот на екипите од Евролигата, Макаби и Хапоел, беше во новата сезона да бида домаќини на Кипар. Макаби изминатите две сезони, беше домаќин во Белград.
Грчките медиуми објавија претходно дека Лимасол ќе биде градот каде што израелските клубови ќе ги играат своите домашни натпревари во елитното натпреварување.
Сепак, според грчките медиуми, дошло до пресврт. На израелските клубови им е забрането да бидат домаќини поради безбедносните мерки и технологијата што ги придружува ваквите натпревари.
Се пишуваше дека Израелците размислуваат и за Родос, додека Белград беше нивниот безбеден дом во претходниот период.
Останува да се види каде Макаби и Хапоел ќе ги играат своите домашни натпревари.