Спорт
Финансискиот фер-плеј е голем проблем, Барса мора да продаде една голема ѕвезда
Фудбалскиот клуб Барселона повторно се соочува со сериозни проблеми. Познато е дека Барселона во изминатите неколку години имаше огромни финансиски проблеми кои Жоан Лапорта и неговите соработници се обидуваат да ги решат на секој начин. Сепак, и покрај ова, Барселона успеа да доведе неколку големи засилувања, поради што сега се соочува со финансиска фер-плеј казна и е принудена да продаде еден од своите играчи.
Во јануари клубот нема да може да биде активен на трансфер-пазарот, бидејќи има прпблем со финансикиот фер-плеј. Барселона мора да ги затвори дупките, бидејќи се соочува со забрана на трансфери во неколку наредни трансфер периоди.
Поради тоа клубот ќе мора да продаде најмалку еден фудбалер. Познато е дека Франк Кеси сака да си замине, иста е ситуацијата и со Мемфис Депај, но тој преферира да го напушти клубот во летниот преоден рок како слободен играч.
Новинарот Џерар Ромеро тврди дека клубот во летниот преоден рок ќе продаде еден играч од чии трансфер ќе заработи над 50 милиони евра, колку што им е потребно за да го решат финансискиот фер-плеј.
Одлуката наводно е веќе донесена, но Ромеро не објави за кој играч станува збор и кого клупските челници го отпишале.
Сепак, набргу потоа, каталонски „Спорт“, објави дека Феран Торес би можел да се врати во Англија на лето. За него интерес покажал Арсенал и Барселона нема ништо против да го пушти.
За Торес би можеле да добијат околу 55 милиони евра со што би го решиле проблемот. За шпанскиот репрезентативец навивачите на Барса сметаат дека не ги оправда очекувањата откако пред една година пристигна од Манчестер сити.
„Топчиите“ наводно се обидуваат да го комплетираат овој трансфер веќе во јануарскиот преоден рок бидејќи итно им е потребна замена за повредениот Габриел Жесус, но во Барселона не биле подготвени да ја прифатат оваа понуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.