Жан-Филип Матета е бесен на Кристал Палас, откако пропадна неговиот потенцијален трансфер во Јувентус.

Напаѓачот, односно неговиот менаџер, лесно постигнал договор со Јувентус околу платата, но Кристал Палас не успеа да се договори за обештетување со Јувентус. Клубот од Лондон бараше Јувентус веднаш да го исплати трансферот, додека италијанскиот клуб понуди позајмица со право на откуп по завршувањето на сезоната.

И покрај тоа што му пропадна трансерот, не значи дека Матета дека ќе остане во Кристал Палас.

Астон Вила продолжува да покажува интерес за Матета и како што сега стојат работите од Бирмингем се подготвени да ја платата сумата што ја бара Кристал Палас.

За Матета, клубот од Лондон бара 35 милиони фунти (околу 40 милиони евра / 47 милиони долари).

Foto/ depositphotos

Извршниот одбор на Фудбалскиот сојуз на Словенија (ФСС) го потврди Боштјан Цесар за нов селектор на репрезентацијата.

Со 102 натпревари, Цесар го држи рекордот по број на настапи за словенечката репрезентација и беше капитен многу години.

Тој играше на Светското првенство во 2010 година во Јужна Африка, кога беше дел од генерацијата што ја однесе Словенија на Светското првенство по втор пат во историјата.

Поголемиот дел од својата клупска кариера го помина во Киев, каде што одигра 247 натпревари и постигна девет гола за десет години. Играше и за Марсеј, Гренобл и Вест Бромвич Албион.

По завршувањето на кариерата, се посвети на тренерската работа,ја водеше репрезентацијата до 19 години, а во јануари 2022 година се приклучи на стручниот штаб на сениорската репрезентација, како прв асистент на Матјаж Кек.

Тој беше член на тренерскиот штаб кога тимот го постигна својот најголем успех со пласманот во четвртфиналето на Европското првенство во Германија во 2024 година.

Во отсуство на Кек, тој ја предводеше Словенија до серија од пет натпревари без пораз, вклучувајќи го и пријателскиот натпревар од 2:0 против Португалија.

Фудбалскиот сојуз на Словенија не го продолжи договорот со Кек, чиј втор мандат истече минатиот декември.

По убедливата победа на Реал Мадрид над Монако во Лигата на шампионите (6:1), Винисиус Жуниор се осврна на натпреварот и на својот настап, нагласувајќи дека играта на целиот тим е клучна за тој да ја покаже својата најдобра верзија.

Бразилскиот фудбалер, исто така, призна дека изминатите неколку дена му биле тешки поради критиките и свирежите од трибините. Против Монако, тој се истакна со две асистенции и еден гол.

„Секогаш сум во центарот на сè она што се случува, не сакам да бидам во центарот на вниманието поради работи надвор од теренот. Сакам да се зборува за мене поради она што го направив за овој клуб“, рече тој.

Свирежите на стадионот „Сантијаго Бернабеу“ особено го погодија, вели тој. „Не сакам да слушнам свирежи во мојата куќа, каде што се чувствувам многу удобно. На последните натпревари не се чувствував удобно бидејќи ме свиркаа секој пат кога ќе направев нешто погрешно“.

Иако ги прифати критиките како дел од работата бидејќи навивачите „плаќаат многу скап билет“, тој јасно стави до знаење дека нема намера да отстапи од својот пат: „Го знам мојот потенцијал, знам колку далеку можам да одам. Тука сум за да продолжам да се подобрувам и секогаш се борам за овој клуб“.

На крајот испрати смирувачка порака за својата иднина во клубот. „Имам уште една година од мојот договор. Му верувам на претседателот, тој ми верува и ќе решиме сè во вистинско време. Нема брзање“, рече Винисиус, заклучувајќи дека сака да остане во Мадрид долго време.

Винисиус е во Реал од 2018 година и освои сè што е можно со клубот. Во 352 натпревари, постигна 113 гола и асистираше за 94.

Foto/ depositphotos