Спорт
Фиорентина ќе му го продолжи договорот на Де Хеа

Фиорентина ќе му го продолжи договорот на голманот Дави де Хеа. Како што пренесуваат медиумите од Апенините, клубот од Фиренца ќе ја активира клаузулата според која Де Хеа ќе остане на „Артемио Франки“ до летото 2026 година. Секако со тоа ќе му се зголемат и приходите. Во следната сезона ќе заработи 2,4 милиони евра.
Да потсетиме, шпанскиот голман пристигна како слободен играч пред неколку месеци во летниот преоден рок откако една година беше без клуб кога го напушти Манчестер јунајтед.
Не требаше да помине долго време за да ги покаже своите квалитеи. Де Хеа е меѓу најдобрите, а ко не и најдобра голман во Серија А во овој момент.
Де Хеа кариерата ја започна во Атлетико Мадрид, од каде во 2011 година се пресели во Манчестер јунајтед. Беше дел од тимот на „црвените ѓаволи“ кој ја освои последната титула во Премиер лигата, а со англискиот клуб освои и два ФА купа и по еден рофеј во Лига Купот и Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ФФМ најави дисциплинска постапка за натреварот во Тетово: За вакви нелуѓе нема место во фудбалот

Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот на прволигашкиот дуел со АП Брера.
Сите натпревари од актуелното коло започнаа со минута молк во чест на жртвите од трагедијата во Кочани, но навивачите на Шкендија решија да изразат целосно непочитување и краткиот период го исполнија со пеење, скандирања и свирежи.
ФФМ неколку часа подоцна најави дисциплинска постапка.
– Фудбалската федерација на Македонија (ФФМ) отвора дисциплинска постапка против ФК Шкендија поради нечовечкото однесување на навивачите и непочитувањето на минута молк во чест на жртвите од трагичната несреќа.
– Овој чин претставува недопустливо непочитување кон загинатите и нивните семејства. ФФМ ќе преземе соодветни мерки согласно правилата со што ќе обезбеди вакви недолични постапки никогаш повеќе да не се повторат. За вакви нелуѓе нема место во фудбалот.
– Нека се огледаат на Шкендија Арачиново, која покажа достоинство и почит кон жртвите и целокупната ситуација во државата. ФФМ пред неколку недели веќе ги испразни трибините со гостински навивачи во Струга поради недолично однесување и тоа ќе важи за сите – без исклучок.
– Фудбалот мора да остане спорт на почит и достоинство, – стои во соопштението на ФФМ.
Спорт
(Видео) Навивачи на Шкендија наместо молк за жртвите од Кочани, пееја и исвиркуваа

Натпреварот меѓу Шкендија и АП Брера од Струмица го одбележа недолична сцена на почетокот на мечот кога домашните навивачи решија наместо да ја испочитуваат предвидената минута молчење во чест на фудбалерот Андреј Лазаров и останатите жртви од трагедијата која се случи во Кочани, пееја, скандираа и исвиркуваа, со што предизвикаа голем револт во целата држава.
Поради нечовечкиот однос на навивачите на Шкендија кои за време на минута молк за жртвите од Кочани пееја песна за УЧК, тетовскиот клуб може да добие голема казна од 4 до 12 натпревари без присуство или суспензија на теренот, односно играње надвор од Тетово, како и парична казна од 5.000 евра. Фудбалската федерација на Македонија веројатно ќе отвори дисциплинска постапка поради овој потег, а одговорноста паѓа на сметка на ФК Шкендија.
Спорт
(Видео) Тренер тргна да се пресмета со судијата, доби нокаут со еден удар

Неверојатна ситуација во Перу – судија со удар во глава нокаутираше тренер.
Инцидентот се случи во 82. минута од натпреварот од Купот на Перу помеѓу Спорт Хуакила и Магдалена де Седеко, при водство на домашните со 2:1.
Еден од членовите на гостинскиот стручен штаб се втурна кон судијата Луис Алегре со пластично шише во рацете, но неговиот ентузијастички испад брзо беше прекинат.
🇵🇪 • Durante la Copa Perú, el árbitro Luis Alegre iba a expulsar a un jugador del club que iba perdiendo, cuando entró un miembro técnico con botella en mano y le propinó una patada además pic.twitter.com/DgCD1FcuOS
— ☩ 𝓒𝓻𝓾𝔁 𝓥𝓲𝓷𝓬𝓲𝓽 ✠ ❤️🌹 (@CruxVincit) March 31, 2025
Неименуваниот поединец стана видно дезориентиран на земја по неколку моменти. Фудбалерите на Магдалена го опколија и го тргнаа од центарот на вниманието, за да го спасат од поголеми последици.
Полицијата поради немилите сцени била принудена да интервенира, а играта била прекината до понатамошно известување.
На почетокот на февруари, натпревар од врвот во Аргентина беше прекинат откако линиски играч беше удрен со столб од публика.