Спорт
Фиренца е подготвена да го пречека „предавникот“ Влаховиќ
Фиорентина вечерва ќе го пречека Јувентус во првиот полу-финален натпревар, во Купот на Италија. На „Артемио Франки“, во дресот на Јувентус ќе настапи довчерашниот миленик на Фиренца, Душан Влаховиќ.
Трансферот на Влаховиќ, го обележа зимскиот преоден рок. Јувентус за него плати речиси 82.000.000 евра. Со заминувањето од Фиорентина, Србинот го навлече гневот на домашните фанови.
Клубот, во пресрет на натпреварот, апелираше до навивачите на „виола“, да се воздржат од навреди кон Влаховиќ.
На ова барање, експресно одговори еден од водачите на навивачите, Федерико де Синополи.
„Влаховиќ го предаде целиот град, слични работи се случуваа и во минатото. Влаховиќ, Кијеза и Бернардески минаа низ клупската академија, но никогаш не го прифатија идентитетот на „виола“. Бернардески е од Тоскана, Кијеза овде беше од својата десетта година“, изјавил Де Синополо.
За „Пунто Ноуво“, тој рекол дека навивачите ќе реагираат, без да прецизира на каков начин ќе го искажат незадоволството.
„Молчењето не е опција. Фиренца е живописен град, нашата ДНК не ни дозволува да бидеме ладни. Ќе има реакции, свирежи, скандирања или навреди. Ќе има реакција“.
Натпреварот на „Артемио Франки“ ќе започне во21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сензација во АБА лигата, шампионот Црвена звезда падна во Дубаи
Сезоната во АБА лигата започна со изненадување. Дебитантот Дубаи славеше над актуелниот шампион Црвена звезда 86:84. Прв пат по 2013/2014 Црвена звезда сезона во регионалната лига запчна со пораз.
Дубаи за деби сезоната селектирше добар тим од познати играчи со тренерот Јурица Големац. Во првиот меч ја адиграа Црвена звезда, која одигра под нивото, со исклучок на периодот од четири минути во втората четвртина кога негативата од 17 поени ја претворија во плус од еден поен.
Играчите на Дубаи не попуштија и предводени од Мејсон, Препелиќ и Абас запишаа заслужена победа.
Пресуди тројката на Мејсон на 35 секунди до крајот која на Дубаи му донесе +5. Во следниот напад со трјка возврати Недовиќ. До крајот ниту еден тим не успеа да постигне поени. Црвена звезда го имаше последниот напад, кој заврши со големо промашување на Мекинтаер.
Мејсон постигна 18 поени, Абас мечот го заврши со 17, додека дабл-дабл учинок имаше Препелиќ со 16 поени и 10 асистенции.
Кај Звезда Калиниќ постигна 16 поени, Кенан додаде 13, Митровиќ 12, а Недовиќ 11, поен помалку постигна Милер-Мекинтаер.
Спорт
Норис пред Ферстапен ја освои ГН на Сингапур
Возачот на Мекларен Ландо Норис остври супериорна победа на трката за Големата награда на Сингапур. Британецот кој стартуваше од пол-позицијата, водеше од првиот до последниот круг. Норис со овој триумф ја намали предноста на Макс Ферстапен во генералниот пласман на 51 бод.
Ландо Норис го комплетираше совршениот бикенд во Сингапур со победа на главната трка. Возачот на Мекларен триумфираше пред Ферстапен и тимскиот колега Оскар Пјастри.
Совршениот викенд на Норис му го расипа Даниел Рикиардо, кој со софт гуми, во финишот успеа да му одземе еден поен за најбрз круг во трката. Иринијата е што ова беше последната трка на Рикиардо во Формула. Од следната трка колега на Јуки Цунода ќе му биде Лијајм Лосон.
Покрај најдобрите тројца бодои во Сингапур на „Јас Марина“ освоија Џорџр Расел (Мерцедес), Шарл Леклер (Ферари), Луис Хамилтон (Мерцедес), Карлос Саинц (Ферари), Нико Хулкенберг (Хас), Фернандо Алонсо (Астон Мартин) и Јуки Цунода (РБ).
Спорт
Хулигани го уништиле теренот на стадионот на Партизан
Во ноќта меѓу саботата и неделата група хулиганивлегла на стадионот на Партизан и ја уништииле подлогата. Утре, Партизан треба да ја пречека Црвена звезда во вечното дерби.
Како што пренесува „Телеграф.рс“, вработените кои се задолжени за одржување на теренот веднаш ги известиле сите служби на клубот, кои повикале полиција, а во текот на денот се очекува понатамошна истрага.
Се наведува дека група хулигани ги пробиле бравите на стадионот во Хумска, влегле и ја уништиле тревната површина. Хулиганите врлиле стакло и запалиле дел од теренот.
Се следат снимките од безбедносните камери за да се откријат сторителите на ова кривично дело, а клубот започна и вонредни мерки за санација на теренот.
Сите во клубот се надеваат дека надлежните брзо ќе ги најдат одговорните и дека во иднина ќе се спречат вакви инциденти.