Спорт
Фјури: Ако сакате да истепате некого, побарајте го Џошуа

Тајсон Фјури (35), шампион во тешка категорија на ВБЦ, ќе се бори со поранешниот шампион на УФЦ во тешка категорија, Френсис Нгану (37) на крајот на октомври во боксерска борба со кросовер. Ова може да биде најпрофитабилниот настан во боречките вештини во историјата.
Фјури во интервју за ИФЛ ТВ изјави дека не сака да се бори со Ентони Џошуа (33), иако британските фанови би сакале да ја видат таа борба, бидејќи и двајцата се Британци.
Да потсетиме, сопственик на појасите на ВБА, ВБО и ИБФ е Украинецот Олександр Усик, кој пред две години го победи Џошуа и со тоа му ги одзеде титулите.
Во меѓувреме, промотерите се обидоа да договорат меч меѓу Фјури и Џошуа, но Фјури не ни размислува за тоа. Покрај тоа, во интервјуто тој го навреди својот сонародник.
„Џошуа не постои за мене. Тој може да чисти теретани, да чисти подови и слични работи. Луѓето го тепаат. Ако си пристоен борец и сакаш да победиш некого, јави му се, лесно ќе го победиш.”, изјави Фјури за ИФЛ ТВ, а на прашањето дали би се борел со Џошуа одговорил: „Не, никогаш“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баскиското дерби му припадна на Реал Сосиедад

Реал Сосиедад го доби дербито на Баскија и го скокна Атлетик Билбао на табелата. Во Сан Себастијан, Сосиедад го победи Атлетик со 3:0.
Баскиското дерби донесе динамичен фудбал, а победи екипата која знаеше да ги искористи своите шанси.
Серијата ја отвори дефанзивецот Ле Норман во 29.минута, кога добро реагираше по центашутот на Меднез.
Вториот дел започна со шансата за Атлетик, која не ја реалзиира Ињаки Вилијамс. Казната следуваше во наредниот напад. Таке Кубо зголеми на 2:0 со својот петти гол оваа сезона.
Точка на натреварот стави Ојерзабал, по одличното додавање на Зубименди.
Сосиедад се искачи на четвртото место со 15 поени, еден повеќе од Атлетик.
Спорт
(Видео) Лаутаро шоу во Салерно – Покер голови на Аргентинецот

Лаутаро Мартинез го врати Интер на делба на првата позиција во Серија А. Аргентинецот го предводеше Интер до шестата победа во седмиот натпревар сезонава. Ги постигна головите во триумфот на Интер кај Салернитана со 4:0 (0:0).
За првиот покер голови во кариерата на Лаутаро Мартинез му беа потребни 27.минути во последната третина од натпреварот. Аргентинецот натпреварот го почна како резерва, на теренот влезе во 54.минута и го започна своето шоу.
Првиот гол го постигна во 62. минута на асистенција на Тирам, а потоа го удвои водството во 77. минута кога Барела му ја додаде топката.
Тој постигна хет-трик во 85. минута кога реализираше пенал, за конечните 4:0 да ги постави во 89. минута кога му асистираше Карлос Аугусто.
Спорт
Хаџиевски го напушти Вардар се враќа во Саудиска Арабија

Ѓоко Хаџиевски не се задржа многу на функцијата спортски директор на Вардар. По само неколку недели ја напушти функцијата која ја извршуваше волонтерски и се врати во Саудиска Арабија.
Познатиот македонски тренер ја прифати понудата од вторлигашот Хаџер. На клупата тој го наследи Родион Гачанин.
Хаџер на социјалните мрежи потври дека Хаџиевски е нов тренер.
✍🏻 || المقدوني "جوكيكا" يقود #هجر مجدداً وانضمام "الجنوبي" للجهاز الفني 🔗⏬️https://t.co/sVcxIYEVXI pic.twitter.com/d7ZxfzITrP
— نادي هجر السعودي (@HajerClub) September 30, 2023