Ред Бул го претстави автомобилот за претстојната сезона на спектакуларен начин.

Во Детроит, на Централната станица во Мичиген, чешкиот пилот Мартин Шонка, кој направи кариера во акробатски летови, маневри со кобра во екстремно ладни временски услови и со брзина од 200 километри на час, го претстави новиот автомобил на Ред Бул.

„TB22“ е еден вид почит кон автомобилот од 2005 година, кога Ред Бул се врати во шампионатот во Формула 1.

2026 livery, cleared for takeoff ✈️#F1 || #GivesYouWiiings pic.twitter.com/PKRVe9SZOi

— Oracle Red Bull Racing (@redbullracing) January 16, 2026

Спектакуларното откривање на автомобилот е вовед во сезона која ќе биде историска за Ред Бул, тимот ќе ги прави и автомобилот и погонската единица во соработка со „Форд“.

A fresh coat of paint for a brand-new era 🎨@FordRacing || #RedBullRacing pic.twitter.com/C4obLVXHI4

— Oracle Red Bull Racing (@redbullracing) January 16, 2026

Ред Бул смисли спектакуларен начин да му го покаже на светот автомобилот во кој Макс Ферстапен ќе се обиде да ја врати шампионската титула.

Новата сезона во Формула 1 започнува во Австралија на 8 март.

Фудбалерот на ПАОК, поранешен репрезентативец на Хрватска, Дејан Ловрен, како гостин во емисијата „Другата страна на медалот“, одговарајќи на бројни прашања, мораше да се потсети на финалето на Светското првенство што го играше со Хрватска против Франција во 2018 година.

За потсетување, Хрватска, во Москва, го загуби тоа финале со 2:4. Светската титула ја освои Франција.

„Никогаш не го гледав тој натпревар, ги гледав само резимеата и головите затоа што излезе на „YouTube“. Секогаш ќе бидам лут на некои работи, тој фаул врз Гризман бидејќи не постоеше. Па, тој пенал… Затоа не сакам да го гледам тој натпревар. Едноставно, тие спомени, фрустрацијата, бесот повторно ќе се вратеа“, рече Ловрен и додаде:

„За жал, дали тоа беше политичка одлука, дали мораше да биде така? Не знам. Можеби повторно се теории на заговор, па ќе ми кажат повторно: „Еве го, повторно зборува“. Добро, изгубивме, тоа е. Којзнае што ќе се случеше ако го освоивме златото“.

Ловрен со Хрватска има и светски бронзен медал од Светското првенство одржано во Катар во 2022 година.

Во својата богата клупска кариера, тој славеше титули во националното првенство со Динамои Зенит од Санкт Петербург, а со Ливерпул ја освои Лигата на шампионите.

Foto/ depositphotos

Ливерпулл наводно е подготвен да предизвика „земјотрес“ на фудбалскиот пазар со историска понуда од 180 милиони евра за Џуд Белингам. Англискиот клуб смета дека 22-годишниот играч од средниот ред може да биде темел на иднината на клубот. Барем засега, како што тврди „Фихајес“, Реал нема намера да го продаде Белингам.

На Енфилд веруваат дека на тимот му е потребен генерациски лидер кој ќе доминира во средниот ред во следната деценија. Џуд Белингам, на само 22 години, комбинира талент, карактер и искуство на највисоко ниво, што објаснува зошто клубот е подготвен да го урне англискиот рекорд.

Износот од 180 милиони евра ја одразува решителноста на Ливерпул и не е тест за да се испита располоѓението на „Сантијаго Бернабеу“.

Одговорот од Мадрид е јасен, Белингам е недопирлив, без оглед на износот на понудата. За Реал, Англичанецот е еден од клучните играчи за сегашноста и иднината на клубот.

Претседателот Флорентино Перез верува дека Белингам ќе обележи една ера и дека неговата спортска вредност ја надминува секоја економска понуда, дури и онаа од 180 милиони евра.

Иако Ливерпул е свесен дека е исклучително тешко да се убеди Реал Мадрид, се надева дека рекордната понуда би можела да предизвика барем внатрешна ревизија.

Евентуален трансфер од 180 милиони евра би бил најголемиот во историјата на Ливерпул и би бил изедначен со трансферот на Килијан Мбапе од Монако во ПСЖ. Трансферот на Нејмар од Барселона во ПСЖ за 222 милиони евра останува на врвот.

И покрај почетниот отпор, Ливерпул не ја исклучува можноста за континуиран притисок. Во Англија веруваат дека пазарот може да понуди променливи сценарија и дека е клучно да се задржи опцијата отворена. Со овој потег, клубот од Енфилд сака да испрати порака дека е подготвен да се натпреварува со секого за најдобрите таленти во светот.

Сепак, просторот за маневрирање е ограничен. Волјата на играчот, за кој се вели дека е целосно интегриран во тимот, и силата на „кралскиот клуб“, претставуваат пречки што тешко се надминуваат.

Foto/ depositphotos