Спорт
Фјури пред борбата со Усик: Ова го правам само поради парите

Поранешниот светски шампион во тешка категорија, Тајсон Фјури, откри што најмногу го мотивира пред неговата втора борба со актуелниот планетарен владетел Олександар Усик.
Британецот и Украинецот ќе ги вкрстат ракавици во сабота навечер во 23:30 часот по средноевропско време во Саудиска Арабија.
„Единственото нешто што ми е навистина важно е моето семејство, моите деца. Оваа борба е потребна за да се добие голема сума пари што ќе им помогне на моите потомци. Ова го правам само заради парите, очигледно. Сите професионални боксери, да бидам искрен, се борат само за пари“, изјави Фјури, а пренесува DAZN.
😬 Oleksandr Usyk arrives to fight week relaxed and all smiles ahead of his rematch vs Tyson Fury!! #Boxing #Usyk2Fury pic.twitter.com/4bz0y4oteX
— Fight Hub TV (@FightHubTV) December 16, 2024
„Индепендент“, пренесува дека ривалите ќе поделат награда од 182 милиони евра или 40 милиони повеќе од првиот дуел.
Договорот тогаш беше Фјури да добие околу 95 милиони долари, а Усик доби 45 милиони.
Во првата борба, која се одржа во мај, украинскиот боксер победи и освои титулите во верзиите WBA, WBC, WBO, IBO и The Ring.
Фјури во кариерата има скор 34-1-1, додека Усик има 22 победи во исто толку борби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагедија на финалето на Лигата на нации

Трагедија го засени напнатото финале на Лигата на нации што го играа Португалија и Шпанија во Минхен. По регуларниот дел и продолженијата, резултатот беше 2:2, па победникот беше решен со пенали. Португалија беше поуспешна и славеше.
Но, на крајот од првото продолжение се случи трагедија. Навивач, чија возраст и националност сè уште не се познати, падна од една од највисоките трибини на Алијанц Арената и почина.
„На стадионот во Минхен се случи ситуација во која беше потребна интервенција на службите за итна медицинска помош. И покрај напорите на лекарите да го спасат животот на жртвата, тој за жал почина во 00:06 часот. Нашите мисли се со неговите најблиски во ова тешко време“, објави УЕФА.
Шпанскиот селектор Луис де ла Фуенте, исто така ја коментираше трагедијата. По пристигнувањето на прес-конференцијата, тој рече: „Прво, сакам да изразам сочувство до семејството на навивачот кој почина“.
Шпанските медиуми пишуваат дека веднаш по падот, работниците од обезбедувањето и итните служби се упатиле кон навивачот и дека, покрај тоа што му помогнале, го покриле местото на несреќата со чаршафи за никој да не може да фотографира од жртвата. Иако за несреќата се знаело на трибините, натпреварот продолжил.
Спорт
Мастантуоно потпиша за Реал

Франко Мастантуоно, аргентинското чудо од дете, потпиша за Реал Мадрид. Фудбалерот на Ривер Плата, потпиша договор со мадридскиот клуб на шест години.
Мастантуоно брзо доби повик во репрезентацијата на Аргентина, за која неодамна дебитираше. Тој претставува врвен талент, а Реал мораше да потроши дури 45 милиони евра за да го доведе во своите редови. Мастантуоно ќе наполни 18 години во август, што би значело дека треба да игра на Светското клупско првенство.
Покрај Реал, заинтересиран за Аргентинецот бешеи ПСЖ.
Тој ја покрива позицијата играч од средниот ред, а многумина во Мадрид го гледаат како замена за сегашната легенда на клубот, Лука Модриќ, кој е на прагот да се пресели во Милан.
🚨🤍 BREAKING: Franco Mastantuono to Real Madrid, here we go! Argentinian top talent will join Madrid on six year deal.
$45m fee to be paid in installments. ⭐️🇦🇷
Formal steps to follow next week with River Plate now asking for Franco to play Club World Cup then leave in August. pic.twitter.com/PDgYV3u6g2
— Fabrizio Romano (@FabrizioRomano) June 8, 2025
Спорт
Левандовски ги шокираше Полјаците: Нема повеќе да играм за репрезентацијата

Напаѓачот на Барселона и капитен на полската репрезентација, Роберт Левандовски, објави дека повеќе нема да игра за националниот тим додека Михал Пробиеж е на нејзино чело.
„Поради моменталната ситуација и губењето на довербата во тренерот, решив да не играм за националниот тим сè додека тој е на таа позиција. Се надевам дека во иднина повторно ќе го носам дресот на националниот тим за најдобрите навивачи во светот“, изјави Левандовски преку социјалните мрежи.
Пробиеж ја презеде репрезентацијата во септември 2023 година, но под негово водство Полска беше елиминирана како прва екипа од Европското првенство во 2024 година. И покрај лошиот резултат, претседателот на Фудбалскиот сојуз Чежари Кулеша изјави дека селекторот ја има поддршката од Сојузот.
На најдобриот полски фудбалер во историјата очигледно тоа не му се допадна.
Левандовски дебитираше за националниот тим во 2008 година и досега постигна 85 гола, што го прави најдобар стрелец во историјата на националниот тим.