Спорт
Фјури со „крвава“ победа над Валин во 12 рунди (видео)
Тајсон Фјури „преживеа“ 12 рунди и го совлада релативно анонимниот Швеѓанец Ото Валин во Лас Вегас во саботата навечер, откако од третата рунда боксуваше со голема исеченица над окото по судир со главите.
„Џипси кинг“ очигледно имаше проблеми со повредата на десното око, но на крајот стигна до својата 29. професионална победа со 116:112, 117:111, 118:110 скор кај судиите. Лекарите покрај рингот во шестата рунда го проверија окото на Англичанецот, но дозволија мечот да продолжи и во последните рунди Фјури ја презеде контролата.
Otto Wallin tries to open Tyson Fury’s cut up even more after scraping his face after the break. pic.twitter.com/qkpo0EyP2B
— Ta1jaNx ㊗️ (@Ta1jaNx) September 15, 2019
По мечот, тој веднаш се сврте кон можниот ри-меч со Дионтеј Вајлдер.
„Добив исеченица рано, но јас сум цигански воин, а денеска е ден на независноста на Мексико – вива Мексико! Се работи за срце и постојаност. Денеска бев подобриот човек. Добив 12 рунди против силен Швеѓанец, и сега одам на Дионтеј Вајлдер. 22 февруари. Сега да поминам време со моето семејство“, вели Вајлдер.
Фјури и Вајлдер имаа контроверзен, но интересен меч во декември 2018 во Лас Вегас, кога беше „нерешено“, иако Фјури беше во нокдаун во последната рунда. Оттогаш, тој го победи Том Шварц и Валин, додека Вајлдер уште еднаш ја одбрани ВБЦ титулата, нокаутирајќи го Доминик Брезил.
Fury’s heart is just insane , he doesn’t know when he’s beaten absolute warrior. #FuryWallin pic.twitter.com/hxXxlZn98n
— Daniaal (@daniaal03) September 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.