Спорт
Флик ги пречкрта ѕвездите на Баерн од германската репрезентација

Селекторот на германската фудбалска репрезентација Ханси Флик го објави списокот на играчи за септемвриските натпревари против Јапонија и Франција.
На списокот ги нема ѕвездите на Баерн Леон Горецка и Томас Милер, но затоа има еден дебитант. Повик во националниот тим доби 32. годишниот фудбалер на Брајтон, Паскал Грос.
Селекторот рече дека имал разговор со Горецка и дека му објаснил дека тоа не е конечна одлука.
„Вчера разговарав со Леон и се обидов да му објаснам дека сега одлуката што ја донесов не мора да значи дека ќе биде и конечна. Исклучително го ценам Леон, но факт е дека сме загрижени. Сакам да ги видам реакциите на оние кои не се со нас“, изјави Флик.
Како и да е, „Билд“ објави дека играчот од средниот ред на Баерн му бил лут на тренерот и дека бил изненаден од одлуката да не добие повик.
Ханси Флик реши да го промени составот, бидејќи не бил задоволен од она што го видел на последниот соби во јуни.
„По разочарувачките резултати во јуни, ние од стручниот штаб седнавме и направивме детална анализа. Покрај квалитетот и учинокот, за нас беше важно однесувањето и ставот, но и кој му дава енергија на тимот. Убедени сме дека ако ги собереме овие бодови, ќе добиеме тим и ќе имаме голем успех. Секој мора да го остави своето его на страна и да се стави во функција на тимот“, рече Флик.
Германската репрезентација го има најлошиот скор во својата историја – имам две победи на последните 16 натпревари, што е очигледен показател дека Флик мора нешто да менува.
Како домаќин на Европското првенство Германија директно се пласираше на турнирот. Пријателскиот натпревар против Јапонија ќе се одигра на 9. септември во 20:45 часот во Волфсбург, додека мечот со Франција е закажан три дена подоцна во Дортмунд.
Unser Kader 🇩🇪 für die Spiele gegen
🇯🇵 Japan 📍 in Wolfsburg am Samstag, 9. September (ab 20:45 Uhr, RTL) und
🇫🇷 Frankreich 📍 in Dortmund am Dienstag, 12. September (ab 21:00 Uhr, ARD) 👇#DFBTeam #GERJPN #GERFRA pic.twitter.com/SZrxWJUeY8— DFB-Team (@DFB_Team) August 31, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимписките објекти во Лос Анџелес ќе ги носат имињата на спонзорите

Организацискиот комитет на Олимписките и Параолимписките игри во Лос Анџелес во 2028 година објави дека арените во тој град ќе носат имиња на спонзори, што е прв пат во историјата на ова натпреварување.
„Овие револуционерни спонзорства не само што ќе донесат значителни приходи за „ЛА28“, туку ќе воведат и нови деловни практики што ќе и користат на целата Олимписка акција“, рече претседателот на Организацискиот комитет, Кејси Васерман, додавајќи дека одлуката е донесена со одобрение од Меѓународниот олимписки комитет (МОК).
Организаторите ги објавија имињата на првите два спонзори, па така терените за сквош ќе го носат името на медиумската компанија „Comcast“, додека одбојкарските сали во Анахајм ќе го носат името на јапонската компанија „Honda“.
Компаниите што веќе имаат имиња на спонзори на олимписките објекти (како стадионот SoFi) ќе имаат можност да ги задржат имињата.
Олимписките игри во Лос Анџелес се закажани од 14 до 30 јули 2028 година.
Фото/ Принтскрин
Спорт
На аукција легендарното Дукати на Ники Хејден

На престижната аукција на „Сотбис“ во Монтереј овој викенд, ќе биде понуден „Дукати Десмоседичи ГП8“ од 2008 година, во специјална ливреја со мотиви од знамето на Соединетите Американски Држави, управуван од легендарниот Ники Хејден.
Моторот, кој моментално е во „шоу мотор“ состојба би можел да се врати на патеката со соодветните делови.
Тоа е уникатен примерок од инвентарот на моделите ГП7 и ГП8, со компоненти набавени директно од фабричкиот тим на Дукати во 2010 година.
Хејден го тестираше овој мотор веднаш по завршувањето на сезоната во Мото ГП во 2008 година, пред да премине од Хонда на Дукати и да формира силен тандем со Кејси Стонер.
Овој модел носи дополнителна доза на историско значење, нема ознаки на спонзор бидејќи се користел во преодниот период помеѓу заминувањето на Хејден од Хонда и неговото доаѓање во Дукати, што го прави уште попривлечен колекционерски предмет денес.
Рамката на мотоциклот е изработена во јули 2008 година, а има и нов, неискористен блок на моторот и резервоар за гориво користен за трки.
Аукциската куќа очекува голем интерес, особено кај фановите на „Кентаки Кид“ кој трагично загина во 2017 година.
Спорт
Тебо пристигна на „Маракана“ – Нигериецот ја засили Црвена звезда

Френклин Тебо Учена е новото засилување на Црвена звезда, објави спрскиот шампион на социјалните мрежи.
Тебо, кој игра на позицијата стопер, потпиша тригодишен договор со црвено-белите, со опција за продолжување на соработката за уште една сезона.
Финансиските детали не се откриени, медиумите шпекулираат дека црвено-белите платиле 2.700.000 евра. Тебо на грбот ќе го носи бројот 30.
Роден е на 15 јануари 2000 година во Абуџа, Нигерија. Во Европа пристигна од Насарава јунајтед. Играше за Хаекен во Шведска, а потоа стана играч на Сарпсборг во 2023 година. Одигра 60 натпревари за норвешкиот тим и постигна пет гола.
Фото/ Принтскрин