Спорт
Флик останува германски селектор, мисијата ЕУРО 2024 на домашен терен

И покрај тоа што во Катар доживеаја дебакл и втора елиминација еднопоруго во групната фаза, Германија ќе се подготвува да биде домаќин на Европското првенство во 2024 со Ханси Флик на чело, потврдија од Германската фудбалска федерација (ДФБ).
По испаѓањето во Катар, по состанокот помеѓу претседателот на ДФБ, Бернд Ноендорф и шефот на Германската фудбалска лига, Ханс-Јоаким Вацке, беше одлучено Флик да добие доверба за во иднината.
„Сите сме сигурни дека ЕП на домашен терен ќе биде олична шанса за фудбалот во Германија. Целта е овој турнир да биде и спортски успех и имаме целосна доверба аво Ханси Флик. За наследникот на директорот на репрезентацијата, Оливер Бирхоф ќе се разговара понатаму“, откри Ноендорф.
Флик е сигурен дека лекцијата од Катар ќе биде научена.
„Мојот тренерски тим и јас сме оптимисти пред Европското првенство во нашата земја. Како тим, можеме да оствариме многу повеќе од тоа што го покажавме во Катар. Пропуштивме голема шанса таму, но мислам дека ја научивме лекцијата“, изјави Флик.
BREAKING
Despite an early World Cup exit, Hansi Flick will remain Germany's head coach through Euro 2024 — set to take place in Germany. pic.twitter.com/zl29u3ej9C
— DW Sports (@dw_sports) December 7, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал за Каиседо подготви 85 милиони евра

Англискиот премиерлигаш Арсенал подготвува понуда од 85 милиони евра со цел до крајот на овој месец да го доведе играчот за врска Моисес Каиседо од Брајтон. Претходно англиските медиуми пишуваа дека Арсенал испратил прва понуда која била одбиена, но сега очигледно решиле да се обидат и со нова, зголемена сума.
Брајтон одолева на „нападите“ за Каиседо, со оглед дека за него интерес појавуваат и Челси и Тотенхем, но прашање е дали ќе биде така и со новата понуда на „топчиите“.
Претходно Арсенал успеа да го доведе и Леандро Тросар од редовите на Брајтон.
Спорт
Евертон ќе го именува Шон Дајш за нов менаџер

Англискиот стручњак Шон Дајш ќе биде новиот менаџер на Евертон, кому му претстои тешка битка за опстанок во Премиерлигата. Откако му се заблагодарија на Френк Лампард за соработката, челниците на Евертон почнаа да бараат негов наследник.
Нивниот прв избор беше Марсело Биелса, но според островските медиуми не постигнале договор со поранешниот тренер на Лидс, па се насочиле кон други решенија.
Одлуката е донесена, Дајш до крајот на денот треба да биде именуван на клупата на славниот англиски клуб.
Дајш го водеше Барнли од клупата во изминатите десет години, а беше и на кормилото на Вотфорд.
Спорт
Калин Ивановски се пласира во полуфинале на турнирот во Тунис

Најдобриот македонски тенисер Калин Ивановски продолжува со одлични игри на ИТФ фјучерс турнирот во Монастир (Тунис), кој има награден фонд од 15.000 американски долари.
Ивановски во четврт-финалето го совлада Австриецот Себастијан Соргер со 2:0 во сетови (6:3, 6:4).
Во полуфиналето македонскиот тенисер за ривал ќе го има Стефанос Сакеларидис од Грција.