Женската одбојкарска репрезентација на Кина остана без шанси да го брани златниот медал освоен пред пет години во Рио де Жанеиро. На две кола до крајот на фазата по групи, Кина остана без шанси да се пласира во четврт-финалето.

Кина денес доживеа пораз од Турција со максимален резултат (23:25, 20:25, 18:25). До крајот на оваа фаза ќе одигра уште два натпревари, против Аргентина и Италија, но и со евентуални две победи, нема шанси за пласман во четврт-финалето.

Од оваа група понатаму ќе продолжат Италија, Русија, САД и Турција.

Елиминацијата на Кина е најголемата сензација, во колективните спортови, во досегашниот тек на Олимписките игри.

Хрватска победи во балканското дерби, против Србија со 14:12 (5:3, 1:1, 4:4, 4:4) , на ватерполо турнирот, на Олимписките игри во Токио. Во пресрет на последното коло, Хрватска има три победи и пораз, а Србија две победи и исто толку порази.

Воведните минути од натпреварот покажаа во која насока ќе се движи натпреварот. Хрватите ги реализираа првите три напади, поведоа со 3:0 и 4:1. Србите играа лошо во одбраната, а во нападот немаа решение за извонредниот голман Бијач, кој на крајот имаше речии 55 отсто одбранети удари.

Србија успеа да фати приклучок на две минути до крајот на третата четвртина, кога израмни на 8:8, но од тој момент Хрватска одговори со серија од пет гола и го реши прашањето на победникот.

Во последното коло Хрватска ќе игра против Шпанија, а Србија ја чека уште едно дерби, против Црна Гора.

Американецот Кејлеб Дресл се претвора во еден од хероите на Олимписките игри во Токио. Тој победи со време на нов светски рекорд на трката на 100 метри пеперутка. Дресел досега освои три медали на во Токио.

Дресел од стартот на финалната трка наметна жесток ритам, на крајот опасно му се закани но не и да му ја оспори победата Унгарецот, Кристоф Милак.

На крајот Дресел го подобри сопствениот светски рекорд. Најдоброто време во светот сега изнесува 49.45 секунди.

Милак, го освои второто место со нов европски рекорд, 49.68 секунди. Бронзата му припадна на Швајцарецот Понти.

Дресел претходно победи на 100 метри слободно и во штафетата 4×100 слободно.

Американецот е најголемиот фаворит за златниот медал и на 50 метри слободно. Во финалето влезе со најдобар резултат.