Спорт
Фонсека доби отказ, Милан има договор со Консеисао

Милан не успеа да слави в дуелот со Рома. Натпреварот на „Сан Сиро“ заврши без победник 1:1. Италијанските медиуми тврдат дека овој натпревар бил последен за Паоло Фонсека на клупата на Милан.
Португалецот, во финишот на првото полувреме, доби црвен картон, што значи дека неславно ја заврши авантурата на клупата на Милан. Фонсека жестокот протестираше при една ситуација пред голот на Рома, сметаше дека неговиот тим требало да добие пенал. Поради бурните протести судијата Микеле Фабри го исклучи од натпреварот.
Заминувајќи од „Сан Сиро“, Фонсека пред камерата на ТВ мрежата „Скај Спорт Италија“ потврди дека Златан Ибрахимовиќ го известил дека клубот донел одлука да му врачи отказ.
„Тоа е вистина. Совеста ми е чиста, направив се што можев“, изјави наследникот на Стефано Пиоли на клупата на „росонерите“, кој под негова палка одигра само 24 натпревари, забележа 12 победи шест порази и истото толу пати ремизираше.
Fonseca saying he did everything he could do pic.twitter.com/QKbO50OR90
— Matteo Bonetti (@Bonetti) December 29, 2024
На Милан не му оди лошо во Лигата на шампионите, но во Серија А, се наоѓа на осмата позиција со само седум победи во 17 кола од шампионатот.
Италијанските медиуми тврдат дека Милан постигнал договор со Сержо Консеисао и дека тој ќе биде новиоте тренер.
Поранешниот ас на Лацио и Интер е без работа од крајот на минатата сезона, кога по 379 натпревари на клупата се раздели со Порто. Консеисао со сино-белите освои три шампионски титули на Португалија, четири Купа и еден Лига куп. Неговиот син Франциско, од оваа сезона го носи дресот на Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Договорено: Еламс се враќа во Наполи

Елиф Елмас по 18 месеци се враќа во Наполи. Трансфер инсајдерот, Фабрицио Романо, објави дека Наполи и Лајпциг ги договориле сите детали околу трансферот. Елмас во градот под Везув се враќа на позајмица.
Елмас, пред 18 месеци од Наполи замина во Лајпциг за 24 милиони евра, сега се враќа во Неапол. Наполи ќе ја плати позајмицата со 1,5 милиони евра, а по завршувањето на сезоната за околу 12 милиони евра ќе може да го откупи договор на Елмас.
Она што е најважно за Лајпциг е што Наполи во целост ќе ја преземе платата на македонскит репрезентативец, која на годишно ниво изнесува три милиони евра.
Foto/ EPA
🚨🔵⚪️ Elif Elmas to Napoli, here we go! Deal in place for loan with buy clause as Elmas returns to Napoli from RB Leipzig.
Elmas has agreed immediately to the move weeks ago as he only wanted Napoli ahead of other options.
Back. 🔙🇲🇰 pic.twitter.com/GLanIUiVDJ
— Fabrizio Romano (@FabrizioRomano) August 28, 2025
Спорт
Шкендија во продолженијата остана без Лига Европа

Фудбалерите на Шкендија есенва ќе се натпреваруваат во главната фаза во Конференциската лига. Фудбалерите на македонскиот шампион, во Разград паднаа во продолженијата. Лудогорец во регуларните 90 минути победи со 2.1, а во продолженијата Бугарите постигнаа уште два гола за конечни 4:1.
Лошото прво полувреме, во кое на противникот му дозволија да упати 14 удари кон голот, од кои шест одеа во рамките на голот, ги чинеше фудбалерите на Шкендија поволен резултат. Два оф тие шетс удари завршија во голот во првите 24 минути. Куртулус и Чочев беа стрелци во деветтата и 24 минута.
Во вториот дел Шкендија се спротивцтави на вистински начин, во 64.минута Тамба постигна гол за 2:1. Гаје имаше нестварна интервенција во 87.минута, а во следниот напад Тамба не реализира во ситуација еден на еден.
Во дополнителните 30 минути, Лудогорец постигна два гола преку текпетеј во 98. и Биле во 122.минута.
Шкендија ждрепката за Конференциската лига ќе ја чека од петтиот шешир. Ждрепката е во петок од 13 часот.
Foto/ EPA/GEORGI LICOVSKI
Спорт
Трансфер „бомба“ во Премиер лигата – Волтемаде во Њукасл за повеќе од 80 милиони евра

Итлијанскиот инсајдер Фабрицио Романо објави ексклузива дека Штутгарт ја прифатил понудата на Њукасл од 80 милиони евра, која со бонусите може да достигне 90 милиони, за германскиот напаѓач Ник Волтемаде (22).
Германскиот репрезентаивец е на пат кон Њукасл, кога ќе ги заврши медицинските тестови ќе потпише договор со „страчките“.
Напаѓачот висок 198 сантиметри, кој се покажа како вистински кошмар за стоперите минатата сезона, има закажан лекарски преглед за утре, а британските медиуми истакнуваат дека ова е шокантен развој на настаните со оглед на тоа што напаѓачот беше поврзуван со Баерн поголемиот дел од летото.
Оваа сезона, тој одигра два натпревари за Штутгарт, по еден во Купот и првенството, и постигна еден гол.
Волтемаде беше цел на Баерн во текот на целото лето, но Штутгарт одби повеќе понуди вклучувајќи ја последната од 60 милиони евра, инсистирајќи на поголема сума.
Поради ова веста за понудата на Њукасл претставува пресврт во однос на претходната позиција на Штутгарт дека продажбата нема да се случи во овој преоден рок.
Доведувањето на Волтемаде многу веројатно ја отвора и вратата за трансфер на Александар Исак, кој штрајкува веќе неколку недели и тренира одделно со цел да го напушти клубот и да се приклучи на Ливерпул, актуелниот шампион на Англија.
Foto/ EPA/ANNA SZILAGYI