Ајнтрахт Франкфурт и покрај заминувањата на неколку клучни фудбалери (Лука Јовиќ, Себастиен Алер), со победа ја отвори новата сезона од Бундеслигата, откако успеа да ги победи Хофенхајм со 1:0 благодарение на гол кој падна по само 35 секунди игра.

Филип Костиќ имаше убаво нафрлање во шестнаесетникот на гостите, а Мартин Хинтерегер го пронајде патот до голот на Оливер Бауман за прекрасен старт на мечот.

До крајот на мечот, гостите имаа повеќе од поседот на топката, но Ајнтрахт имаше повеќе изгледни шанси пред мечот да заврши со минимална победа.

#HintiArmy scores in 33 seconds 💥

HT: #SGE: 1-0 #TSG pic.twitter.com/uqmcH0CoXE

— Eintracht Frankfurt TR (@SGETurkey) August 18, 2019

Шефилд јунајтед имаат одличен старт на својата прва премиерлигашка сезона по долга пауза, откако со 1:0 ги победија Кристал палас за по две кола да имаат четири поени.

Човек на одлука беше 25-годишниот поранешен младински репрезентативец на Англија, Џон Ландстрам, кој со голот освен трите важни поени на „блејдс“ влезе во историјата и како првиот фудбалер кој постигнал гол во сите четири англиски лиги.

Ландстрам, кој доаѓа од школата на Евертон, претходно стрелаше за Јеовил таун (четврта лига), Оксфорд јунајтед (трета лига) и Шефилд јунајтед (втора лига и Премиер лига).

4 – Sheffield United midfielder John Lundstram has now scored in all of England’s top-four divisions. Set. pic.twitter.com/PC6kpj6DSf

— OptaJoe (@OptaJoe) August 18, 2019

Шкотскиот репрезентативец Скот Мектоминеј вели дека неговиот соиграч од Манчестер јунајтед, Пол Погба е „играч од светска класа“ кој умее да направи било што на фудбалскиот терен.

22-годишниот Мектоминеј беше партнер на Погба во средината на теренот за Јунајтед во текот на летните подготвителни мечеви, но и при 4:0 победата над Челси во првото коло од Премиер лигата, кога Погба имаше целосна слобода на игра и имаше две асистенции. Мектоминеј беше задолжен за дисциплината на теренот и Шкотланѓанецот, кој е во Јунајтед од 2002 е импресиониран.

„Кога играте со Пол, знаете дека сака да влезе во шестнаесетникот и вашата работа е да го осигурате задниот дел. Секако, морате да го почитувате фактот дека Пол е играч од светска класа кој може да направи сè на теренот. Морате да се адаптирате да играте со него, за разлика од партиите во кои играте со Матиќ, Фред или Переира. Имам одлични односи со него и се надевам дека ќе биде уште подобро во иднина“, вели Мектоминеј.