Манчестер јунајтед и Тотенхем, заедно со Лион се пласираа во четвртфиналето во Лига Европа.

Манчестер јунајтед го победи Реал Сосиедад со 4:1 и со вкупни 5:2 го елиминитаа тимот од Сан Себастијан.

Три гола постигна Бруно Фернандеш ( два пати беше прецизен од белата точка), а четвртиот гол го постигна неговиот донародник Диото Дало.

Голот за Сосиедад, кој беше прв на овој натпревар од пенал го постигна Микел Ојерзабал.

По победата од 3:1 во Букурешт, Лион славеше над ФЦСБ и во Франција, овојпат со резултат 4:0.

Микаутадзе донесе водство во 14. минута, а до одморот преку Нуама, Олимпик го удвои водството.

И ова дуо беше во центарот на вниманието. Микаутадзе погоди во 47. минута, а Нуама во 88. минута го запечати триумфот.

Место во топ 8 избори и Тотенхем. Спарс во Лондон го совлада АЗ Алкмар со 3:1.

Одобер го отвори резултатот во 26. минута, Медисон во 48. го удвои водството, а во 63. Копмајнерс ја намали предноста на домашниот тим.

Херој на Тотенхем беше Одобер, кој погоди во 74. минута и му обезбеди на Тотенхем меч со Ајнтрахт Франкфурт.

Јагиелонија избори четвртфинале во Конференциската лига, а Борац Бањалука во драматичен натпревари испадна од ова натпреварување.

Јагиелонија го мина Серкл Бриж благодарение на победата во првиот меч од 3:0. Вечерва во Белгија, полскиот клуб загуби со 2:0. Македонскиот репрезентативец Дарко Чурлинов за Јагиелонија играше од 58.минута.

Борац Бањалука во Виена загуби од Рапид во продолженија и покрај тоа што имаше водство од 1:0. Австриците во четвртфиналето влегоа со голот на Швауб во 96.минута.

Поранешниот македонски репрезентативец Бобан Николов на теренот влезе во 74.минута.

Атлетик Билбао, Ајнтрахт, Лацио и Бодо/Глимт изборија пласман во четвртфиналето во Лига Европа.

На „Сан Мамеш“ стадион кој е домаќин на финалниот меч, Атлетик ја совлада Рома со 3:1. Клучниот момент се случи во 11.минута, кога ветеранот Матс Хумелс најпрвин лесно продаде една топка, а птоа направи прекршок за црвен картон.

Со десетмина на теренот Рома немаше никави шанси.

Инаки Вилијамс погоди во третата минута од надополнувањето во првиот дел и го израмни резултатот во дуелот. Во 68.минута Берчиче зголеми на 2:0, а точка на мечот стави помладиот брат Вилијамс, Нико.

Рома почесниот гол го постигна преку Паредес од пенал, на истекот на натпреварот.

За разлика од градскиот ривал Рома, Лацио успеа да се пласира во четвртфиналето, но публиката на „“Олимпико долго време беше во страв бидејќи гостите водеа со голот на Павел Шулц до 77. минута. Потоа Алесио Ромањоли израмни за конечни 1:1.

Лацио оди понатаму благодарение на победата од 2:1 во првиот натпревар во Плзен, остварена во 90+8. минута.

Клубот од италијанската престолнина во четвртфиналето ќе игра против Боде/Глимт кој успеа да го елиминира Олимпијакос. Грците славеа со 2:1, но првиот дуел го загубија со 3:0.

Понатаму оди и Ајнтрахт со две победи над Ајакс. Пред една недела во Амстердам беше 2:1, а вечерва во реваншот во Франкфурт 4:1.