Спорт
(Фото) Црвените знамиња ги обележаа квалификациите – Норис пред Расел на пол-позицијата, катастрофа на Ферстапен

Ландо Норис ја освои пол-позиција во хаотичните квалификации пред трката за Големата награда на Бразил. Квалификациите, во кои пет пати беше истакнато црвено знаме, траеја еден час и 40 минути.
Квалификациите, кои се возеа по водена патека, донесоа неочекуван поредк на стартот. До Норис трката ќе ја започне Џорџ Расел од Мерцедес, а потоа следуваат Јуки Цунода од РБ, возачот на Алпин Естебан Окон и колегата на Цунода, Лијам Лосон. Зад нив се Шарл Леклер (Ферари), Алекс Албон (Вилијамс), Оскар Пјастри (Мекларен) и возачите на Астон Мартин, Фернандо Алонсо и Ленс Строл.
Овие двајца како и Албон, Колапинто и Саинц во различни делови од квалификациите предизвикаа да биде истакнато црвено знаме.
Прашање е колкави се оштетувањата на нивните болиди, тоа особено важи за возилото на Албон.
На истекот на втората сесија, излетувањето на Строл предизвика црвено знаме, кое му го упропасти летечкиот круг на Макс Ферстапен. Претходно во овој дел квалификациите ги заврши и Карлос Саинц јуниор.
Шпанецот ќе стартува од 14.место. Едно место пред него е Серхио Перез, а Верстпен кој беше 12., поради казната трката ќе ја започне од 17.позиција, веднаш зад Луис Хамилтон.
Седумкратниот сетски првак ужесно возеше во првата квалификациска сесија која ја заврши на 16.позиција.
Според најавите, трката за Големата награда на Бразил треба да започне во 16.30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Де Брујне потврди дека ќе го напушти Манчестер сити

Кевин Де Брујне објави дека нема да го продолжи договорот со Манчестер сити и дека ќе го напушти клубот на крајот од сезоната.
Белгискиот репрезентативец подолго време беше во преговори со „Граѓаните“ за нов договор, на крајот двете страни не успеаја да постигнат договор. Де Брујне во последно време често ги започнуваше натпреварите од клупата за резерви, што значи дека повеќе не е прв избор на тренерот Пеп Гвардиола.
Де Брујне на својот профил социјалната мрежа „Х“ објави порака до навивачите на Манчестер сити во која објави дека нема да го продолжи договорот и дека ова се неговите последни месеци на „Етихад“.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
Спорт
Леклер: Болидот на Ферари не е добар

Шарл Леклер, возачот на Ферари, не е задоволен од болидот што го има на располагање во Формула 1 шампионатот.
По првите две трки Леклерк и Хамилтон заостануваат 61 поен зад двојката на Мекларен Норис и Пјастри.
„Тешко е како и секогаш. Секогаш е комплицирано да се извлече максимумот од автомобилот. Мислам дека исто е и оваа сезона, единствениот проблем е што нашата моментална брзина во споредба со Мекларен не е доволно добра“.
Иако се надева на напредок на Јапонското ГП, Леклер очекува Ферари да биде на слично ниво како на првите две трки, што укажува на тоа дека спринтерската победа на Хамилтон во Шангај беше исклучок.
„Видовме голем чекор напред во саботата, особено во спринт трка со Луис, но во недела се се врати во нормала. Затоа очекувам да бидеме на исто ниво во Сузука како што бевме во Кина во неделата и во Мелбурн“.
Спорт
Де Зерби не жели да ја тренира екипата

Пораз од Ремс во претходна рунда, четврти во последните пет натпревари за Олимпик Марсеј, ги крена тензиите на „Велодрому“, по што Роберто Де Зерби целосно ја загубил контролата врз тимот.
Марсеј не е во добра форма во последно време, тоа го покажуваат и резултатите, а тоа целосно го исфрли од такт темпераментниот Италијанец. По поразот од ремс, кога екипата се вратила во Марсеј, тој им наредил на фудбалерите да преспијат во тренинг центарот.
Играчите биле незадоволни бидејќи наредниот ден требало да им биде слободен, а особено незадоволни биле играчите од муслиманската вероисповед кои не можеле со семејствата да го прослават големиот празник Рамазан Бајрам.
Де Зерби, наредниот ден закажал тренинг, но не се појавил им кажал на играчите дека не сака да ги тренира, а потоа директно му се обрати на Пол Лирола, дефанзивецот на Марсеј:
„Никој во овој клуб не те сакаше ова лето освен мене. Јас сум единствениот кој веруваше во тебе, а ти ми враќаш со ваква одбрана? Сакаш да паднам? Тогаш сите паѓате со мене”, викал Де Зерби.
Играчите кои одбија да тренираат под неговиот стручен штаб му возвратија, па морал да реагира спортскиот директор на клубот Мехди Бенатиа.
Поранешниот дефанзивец на Јувентус и Баерн објасни дека не може да има прекин на тренинзите, на што играчите го прашале дали е нормално што тренерот не сака да го тренира тимот. Тој одговори дека и без тренер, по индивидуален квалитет, морале да го победат Ремс.