Спорт
Франција е „лек“ за Хрватска, два магични гола на Роналдо!

Франција ја доби и репризата на финалето на Светското првенство во 2018 година со идентичен резултат, откако во Париз со 4:2 во возбудлив меч ја совлада Хрватска за совршен старт на новото издание на Лигата на нации и израмнување со Португалија на првото место во нивната група, откако Кристијано Роналдо го постигна својот 100. и 101. гол во националниот дрес за 2:0 победа кај Шведска.
На „Стад де Франс“ Хрватите успеаја да ги шокираат домаќините во 17. минута, кога дефанзивецот на Зенит, Дејан Ловрен го постигна сигурно најубавиот гол во неговата кариера, успешно мамејќи ја целата одбрана на Французите. Сепак, „петлите“ се созедоа и во фуриозен финиш на полувремето направија пресврт – прво во 43. минута преку Антоан Гризман, а потоа две минути подоцна преку ударот на Антони Марсијал кој голманот Ливаковиќ несреќно ја смести во сопствениот гол.
Тука не беше крајот. Јосип Брекало успеа да израмни за Хрватска во 55. минута, пред десет минути подоцна Дајот Упамекано да ја врати предноста на Франција. Оливие Жиру од пенал во 77. минута стави точка на натпреварот.
Во Стокхолм, пак, вистинско шоу имаше Кристијано Роналдо, кој постигна два гола за да стигне до 101. гол во репрезентацијата, доближувајќи се на само осум од израмнувањето на рекордот на Иранецот Али Даеи за 2:0 победа над Шведска. Роналдо прво во 45. минута имаше фантастичен гол од слободен удар, за во второто полувреме во 72. минута да постигне уште еден прекрасен гол за потврда на победата.
Во групата 2 пак, Данска и Англија одиграа само 0:0, додека Белгија откако почна да губи од Исланд, на крајот стигна до 5:1 победа благодарение на двата гола на Мичи Батшуаи.
ЛИГА НА НАЦИИ, 2.КОЛО
ЛИГА А, ГРУПА 2
Белгија – Исланд 5:1
Данска – Англија 0:0
Табела: 1.Белгија 6, 2.Англија 4, 3.Данска 1, 4.Исланд 0
ЛИГА А, ГРУПА 3
Франција – Хрватска 4:2
Шведска – Португалија 0:2
Табела: 1.Португалија 6, 2.Франција 6, 3.Шведска 0, 4.Хрватска 0
ЛИГА Ц, ГРУПА 1
Кипар – Азербејџан 0:1
Луксембург – Црна Гора 0:1
Табела: 1.Црна Гора 6, 2.Луксембург 4, 3.Азербејџан 3, 4.Кипар 0
ЛИГА Д, ГРУПА 2
Сан Марино – Лихтенштајн 0:2
Табела: 1.Лихтенштајн 3, 2.Гибралтар 3, 3.Сан Марино 0
ФРАНЦИЈА – ХРВАТСКА
ШВЕДСКА – ПОРТУГАЛИЈА
БЕЛГИЈА – ИСЛАНД
ДАНСКА – АНГЛИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Падна договор меѓу Арсенал и Ѓекереш

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.
Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.
Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.
Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.
Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.
Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.
Спорт
Пјастри: Нема да зборувам многу, би можел да се најдам во неволја

Трката за Големата награда на Велика Британија во Силверстоун донесе ново намалување на разликата меѓу асовите на Мекларен, Оскар Пјастри и Ландо Норис. А тоа значи и зголемување на тензиите, а дека се оди во тој правец може да се насети и по изјавата на Австралиецот по завршувањето на трката.
Лидерот во генералниот пласман ги имаше сите адути во свои раце – водечка позиција, контрола на трката. Но, една кардинална грешка и казна од 10 секунди практично го чинеше победа, па наместо да се оддалечи од тимскиот колега за уште осум поени и да стигне до разлика од 23 бода, ситуацијата се сврте – Норис ја намали разликата на само осум поени на половина од сезоната.
Самиот Пјастри не е задоволен од казната, смета дека е неправедна. Кога отиде да ја одработи казната и дојде до предавање на позицијата на Норис, побара од тимот да му наложат на Норис да ја врати позицијата и да се тркаат, но Мекларен тоа го одби.
„Нема да зборувам многу, за да не западнам во неволја. Но изгледа дека повеќе не смее да се кочи зад безбедносното возило – изјави Пјастри.
Фото: ЕПА
Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL