Рафаел Варан еден од столбовите на одбраната на Реал Мадрид побарал трансфер. Договорот на францускиот репрезентативец со „кралскиот клуб“ истекува за 18 месеци.

Шпанците тврдат дека Варан не бил задоволен од се она што се случува во клубот и дека бил подготвен за нова авантура.

Летниот преоден рок е последна шанса кога Реал ќе може да заработи добра сума од трансферот на Варан.

Рафаел Варан е играч на Реал од 2011 година. Со клубот ги освоил сите можни трофеи.

Претседателот на Реал Мадрид, Флорентино Перез, бил подготвен да преземе радикални чекори кон Интер, во врска со трансферот на Ашраф Хакими.

Пред неколку дена, медиумите во Италија, објавија дека Интер досега не уплатиле ниту цент за трансферот на Хакими. Минатото лето, Реал и Интер го договорија трансферот вреден 40 милиони евра.

Интер доцнат со првата рата од 10 милиони евра, која требало да ја уплатата до декември. Перез прифатил терминот да биде одложен, но како сега стојат работите, го сменил мислењето и ги бара парите веднаш.

Правилата на УЕФА велат дека клуб кој не ги измирил обврските за трансфери направени од 31.март до 31.декември, останува без лиценца за настап во европските купови.

Интер е во голема финансиска криза, сопствениците од Кина се подготвени да го продадат клубот.

Според медиумите во Италија, клубот доцни и со платите кон играчите.

Фудбалскиот клуб Севилја се вклучи во трката за потписот на Алехандро Папу Гомез. Аргентинецот, во овој преоден рок ќе ја напушти Аталната, поради несогласувањата што ги имаше со тренерот Џанпјеро Гасперини.

Неколку клубови од Серија А покажаа интерес за Гомез, а најчесто тој се поврзува со Интер и Милан. Клубовите од Милано добија жестока конкуренција во Севилја. Клубот од Андалузија секако може да одгооври на барањата што ги има Аргентинецот, а голем плус за нив е и тоа што играат во Лигата на шампионите.

„Можам да потврдам дека сме во контакт со Аталанта околу Гомез. Работиме на случајот, но се уште има да се заврши уште многу работа“, рекол спортскиот директор на Севилја, Мончи.

Медиумите шпекулираат дека Севилја сака да го позајми Гомез до крајот на сезоната, а потоа да го откупи неговиот договор за осум милиони евра.