Спорт
Франција со епски камбек против Данска за прво место и полуфинале

Франција направи апсолутно неверојатен камбек во дербито против Данска стигнувајќи до 30:29 (12:17) победа за го освои првото место во групата пред Данците и да се пласира во полуфиналето на Европското првенство во Унгарија и Словачка, и во исто време да ги уништи надежите на Исланд за борба за медали.
На Франција и беше потребно барем реми (за второ место во групата пред Исланд), но Данците имаа совршен почеток на мечот за фантастично водство од пет гола на полувреме (17:12). Голманите на Франција беа далеку под своето ниво, откако Винсен Жерар и Весли Пардан имаа само една одбрана од 18 удари на нивниот гол, додека од другата страна, Кевин Мелер имаше над 40 отсто одбрани (осум од 20). Французите во второто полувреме, конечно, успеаја да дојдат на гол разлика во 54. минута од мечот, за првпат да поведат во 58. минута (30:29), за фантастична победа.
Дика Мем, човекот кој го постигна победничкиот гол, заедно со Иго Деска беше најефикасен за „триколорите“ со 8 гола, додека Никлас Вест Киркелеке имаше 10 гола за Данците.
Со победата, Французите се на првото место во групата 1 и во полуфиналето ќе играат со Шведска, додека за Данците останува предизвикот против актуелниот шампион Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Полицијата со солзавец против навивачите на Ливерпул: Братот на Матип и бремената сопруга се засолниле во блискиот ресторан ресторан

Скандал пред финалето на Лигата на шампионите. Незапаметен. Почетокот на натпреварот помеѓу Ливерпул и Реал, во борбата за статусот европски првак, доцнеше 36 минути. Причина е инцидентот пред стадионот во кој учествуваа навивачите на Ливерпул и полицијата.
Хаосот настанал кога, според неофицијални информации, неколку илјади навивачи на Ливерпул без карти, ја прескокнале високата ограда и влегле на западната трибина. Поради тоа голем број навивачи со билети не можеа да влезат на стадионот.
— Stan Collymore ❤️🖤 (@StanCollymore) May 28, 2022
Полицијата и редарите употребија солазавец. Меѓу оние кои поминаа низ најлошото бил братот на дефанзивецот на Ливерпул, Џоел Матип, Марвин.
A quarter-hour after scheduled KO, people were still climbing perimeter fences at the Stade de France. This attempt caused police to use tear gas on the area. #UCLfinal pic.twitter.com/GpJkvpToSS
— Raj (@RajSM8) May 28, 2022
Имал билет за трибините во Сен Дени, но не успеал да влезе. Поради солзавецот Марвин Матип и неговото семејство морале да побегнат од местото на настанот. Се засолниле во блискиот ресторан. Германскиот огранок на Скај спорт уверува дека сопругата на Марвин е бремена и дека меѓу другото било многу тензично пред Сен Дени.
Liverpool fans storming the stadium. Just give Madrid the trophy it’s unfair pic.twitter.com/VfBsVBSdM9
— Ziyad⚡️🇲🇦 (@mcfcziyad) May 28, 2022
Спорт
Борба за трофејот и за голема парична награда

Реал Мадрид и Ливерпул вечерва ќе се борат не само за титулата во Лигата на шампионите, туку и за голема парична награда.
Според многумина, двете најдобри екипи во светот се среќаваат на финалето во Париз од 21.15 часот. Мадриѓаните одат по рекорден 14. трофеј, Ливерпул по седмиот. Според обложувалниците фаворит е тимот на Јирген Клоп.
Освојувачот на трофејот ќе слави со денови, а посебен мотив се парите што ќе ги добие за победата.
Победникот од овогодинешната ЛШ ќе добие 22,6 милиони евра. Клубот кој ќе биде поразен ќе добие 17,5 милиони евра. Покрај тоа, Ливерпул ќе добие 24,4 милиони за рангирањето на УЕФА и 18,4 милиони за телевизиските права по финалето. Во случајот со Реал тие суми се 35,5 милиони односно 13,2 милиони.
Вреди да се додаде дека и двете екипи во овогодинешната ЛШ веќе заработија вкупно околу 180 милиони евра за спортските достигнувања.
Англичаните сезонава заработија 91,44 милиони евра, а Реал Мадрид 88,27 милиони евра. По финалето овие суми ќе се зголемат уште повеќе.
Во случај на победа на Ливерпул нивната вкупна заработка ќе изнесува 139,34 милиони евра, а кај Реал 142,07 милиони евра.
УЕФА издвои вкупно две милијарди евра за бонуси, кои се делат на сите учесници, но секако најмногу за оние кои стигнаа до самиот крај.
Спорт
Ливерпул ќе се обиде да ги „украде“ Гави од Барселона

Фабрицио Романо на почетокот на овој месец објави дека Барселона договорила речиси сè со големиот талент Гави и дека наскоро ќе фудбалерот ќе го продолжи договорот истекува наредното лето.
Во договорот на Гави, Барса треба да стави клаузула за откуп од 1.000.000.000 евра. Не е познато зошто договорот се уште не е потпишан. Ваквиот развој на настаните се обидува да го искористи Ливерпул.
Според сегашната клаузула, тоа може да го направи со уплата од 50.000.000 евра,
Менаџерот на Гави, поранешниот играч на Барселона Иван де ла Пења, потврдил дека се уште нема официјална понуда за продолжување на договорот.
17-годишното чудо од дете оваа сезона одигра 47 натпревари за клубот во сите натпреварувања. Тој постигна два гола во првенството и има шест асистенции, а „Трансфермаркт“ неговата вредност ја проценува на 60.000.000 евра.