Спорт
Француски новинар тврди: Нејмар пијан доаѓа на тренинзите на ПСЖ
Нејмар, најскапиот играч во светот, по се изгледа ќе го напушти Париз, по завршувањето на сезоната. ПСЖ, за Нејмар, издвоија 222.000.000 евра, но Бразилецот никогаш не успеа да се наметна како вистински лидер и играч кој прави разлика во натпреварите, во Лигата на шампионите.
Елиминацијата од Реал повторно на површина ги исфрли сите проблеми кои постојат во соблекувалната на ПСЖ. Навивачите, најмногу го критикуваат Нејмар. Кон него и кон Меси беа упатени низа навреди на мечот со Сент Етиен.
Нејмар и пред дуелите со Реал ги налути навивачите со изјават дека би сакал да игра во САД, во МЛС лигата, бидејќи таму паузата помеѓу две сезони трае три месеци и дека на тој начин би имал повеќе време за одмор.
По дуелите со Реал, го обвинија дека тој максимално ја влошил атмосферата во тимот.
Новинарот на РМЦ, Даниел Риоло, тврди дека Нејмар е во лоша состојба и дека повеќе не наликува на професионален фудбалер.
„Речиси и не тренира. На тренинзите доаѓа пијан. На овој начин сака да му се освети на клубот. Да, тоа е вистина, Нејмар раскина со клубот и соиграчите“, рекол Риоло.
„На навивачите не им е гајле за неговите глупости и документарецот на Нетфликс. Мораме да му напишеме чек и да го пуштиме да си оди. Пуштете го, тој го уништува ПСЖ“.
Нејмар сезонава има одиграно 21 натпревар (1.545 минути), постигнал пет гола и забележал пет асистенции. Од 2017 година, за ПСЖ одиграл само 135 натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Во Загреб се револтирани од судењето: Ние сме мал клуб на кој може да му го направат ова
Фудбалерите на Динамо Загреб не се задовлни од арбитржата на судијата Харм Осмерс по нерешениот резултат со Монако (2:2) во второто коло од Лигата на шампионите.
„Модрите“, не успеаја да ја задржат предноста од два гола, примија голови во 74. (Салису) и 90.минута од пенал (Закарија).
Токму досудениот пенал во последната минута од натпреварот ги натера да го кренат гласот против главниот судија.
Играчите на Днамо потсетуваат дека претходно во слична ситуацјија капитенот Бруно Петковиќ беше соборен во шеснаесетникот на Монако, а германскиот арбитар покажа фаул во напад. Во 90.минута донел поинаква одлука, пвотрно на шетата на Динамо.
„Не го разбирам судискиот критериум, не би сакал да се расправам околу тоа, но некои одлуки беа во нивна полза. Го прашав судијата, ако над Бруно немаше пенал, како може да биде пенал на другата страна? Навистина не ги разбирам тие одлуки“, ече стрелецот на вториот гол за Динамо, Мартин Батурина, а неговиот соиграч Јосип Мишиќ дополни.
„Ние сме мал клуб на кој може да му го направат ова“. .
Динамо во следното коло гостува кај Салцбург.
Спорт
Сенегал го отпушти Сисе
Фудбалскиот сојуз на Сенегал објави дека од функцијата е разрешен селекторот на националниот тим Алиу Сисе.
Сојузот, објави дека одлуката била донесена поради лошите резултати и се поголемата непопуларност што меѓу навивачите ја имал Сисе.
Сисе повеќе од девет години на чело на националниот тим и го освои Купот на Африканските нации во 2022 година со Сенегал.
Фудбалскиот сојуз на Сенегал исто така соопшти дека добиле писмо од министерот за спорт Кади Диен Гаје во кое не се одобрува продолжувањето на договорот на Сисе, кој истече на 31 август.
Спорт
Крај на сезоната за најдобриот дефанзивец на Јувентус
Најдобриот дефанзивец на Јувентус, Глисон Бремер (27) ја заврши сезоната поради скинати вкрстени лигаменти. Бразилскиот стопер се повреди во вчерашната победа на Јувентус против Лајпциг од 3:2 во второто коло од Лигата на шампионите, во шестата минута.
Тој го напушти теренот со помош на физиотерапевт, а по денешните прегледи беше констатирано дека е повреден и неговиот менискус.
Бремер пристигна во Јувентус во летото 2022 година од Торино за 46,9 милиони евра и веднаш се наметна како еден од најдобрите играчи на Јувентус.
Оваа сезона забележа осум настапи, одигра вкупно 637 минути. Според „Трансфермаркт“, тој вреди 60 милиони евра.